26.06.2015 / 16:45

Дзень ісламскага тэрору: напад на гатэль у Тунісе — 37 забітых, выбух у Кувейце — 25, напад у Самалі — 30, і 146 замардаваных у Кабані ў Сірыі 24

Пляж у гатэлі Суса пасля атакі. Цела забітага размыта.

Цэлую серыю тэрактаў правялі сёння ва ўсім свеце ісламскія тэрарысты. 

Драматычныя падзеі разгарнуліся на туніскім курорце Сус. Тэрарысты з аўтаматамі напалі тут на два поўныя турыстаў гатэлі. Яны расстралялі 37 чалавек, яшчэ каля 36 параненыя, дадзеныя працягваюць паступаць. Сярод ахвяраў пераважна брытанцы, немцы і тунісцы.

Сілам бяспекі ўдалося знішчыць у перастрэлцы аднаго з тэрарыстаў.

Паводле тэлеканала «Аль-Джазіра», у выніку тэракту ў Кувейце памерлі як мінімум 24 чалавекі.

У сваю чаргу спадарожнікавы тэлеканал «Аль-Хадас» ацэньвае колькасць загінулых у 25 чалавек. Паводле апошніх звестак, паранена 202.

Адказнасць за напад узялі на сябе баевікі тэрарыстычнай арганізацыі «Ісламская дзяржава».

Выбух у мячэці Эль-Кувейта адбыўся 26 чэрвеня ў момант пятнічнай малітвы. Выбуховае прыстасаванне прывёў у дзеянне тэрарыст-смяротнік. Для багатага нафтай эмірата падобны напад з'яўляецца першым у такім родзе.

Таксама ў выніку нападу ісламістаў у Самалі загінулі не менш за 30 чалавек.

Колькасць загінулых у выніку нападу баевікоў групоўкі «Аш-Шабаб» на базу кантынгенту Афрыканскага саюза ў самалійскім горадзе Лега склала не менш за 30.

Па ўдакладненых дадзеных, тэрарыст-смяротнік накіраваў у вароты базы начынены выбухоўкай аўтамабіль, пасля чаго паміж яго саўдзельнікамі і вайскоўцамі завязалася перастрэлка.

Сёння раней стала таксама вядома пра напад ісламіста на завод у Францыі, дзе загінулі два чалавекі.

Самы ж страшны вынік даў напад Ісламскай Дзяржавы на курдскі горад Кабані на поўначы Сірыі. У горадзе і суседніх вёсках загінула 146 чалавек.

0
Geodezist / Адказаць
26.06.2015 / 17:30
Жах. Я ў мінулым годзе адпачываў у Тунісе. Патрэбна тэрміновая забарона на палёты ў Туніс і Егіпет. "Паляванне на турыстаў" ў Егіпце справа часу. Зусім недалёка тэрарысты IГIЛ.
0
Досыць / Адказаць
26.06.2015 / 17:46
Надо быть терпимее к другой религии. Вот православные целый год гасят друг друга в Донецке, и ничего, всем каналам в России есть работа. А тут немножко постреляли видите ли.
0
против орды / Адказаць
26.06.2015 / 18:03
Пусть хороший аналитик посчитает во сколько раз увеличилось число терактов в мире после начало войны в Украинке. Уверен, что увеличилось раз в 5. Пусть кто скажет что, это все случайно. Нет, товарищи! Радуйтесь, международный терроризм открыл второй фронт в помощь вашему кумиру - Путлеру. .
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру