У Ерэване праспект Баграмяна ўжо 100 гадзін знаходзіцца ў аблозе: удзельнікі пратэстнай акцыі супраць павышэння тарыфу на электраэнергію роўна 4 дні таму шэсцем рушылі да праспекта Баграмяна і да сённяшняга дня праводзяць там сядзячы пікет.
На дадзены момант праспект Баграмяна зноў шматлюдны: усё новыя групы людзей далучаюцца да дэманстрантаў. Ужо тры дні, як паліцыя не прадпрымае спробаў прымянення сілы.
За гэтыя дні сядзячы пікет самаарганізаваўся, былі вырашаныя пытанні харчавання, адзення, уборкі смецця. У ходзе пратэстнай акцыі на праспект Баграмяна прыходзяць вядомыя акцёры, палітычныя дзеячы, прадстаўнікі інтэлігенцыі.
Адзначым, што, нягледзячы на шматлікія пратэсты, 17 чэрвеня Камісія па рэгуляванні грамадскіх паслуг рэспублікі зацвердзіла павышэнне тарыфу на электраэнергію на 6.93 драма, давёўшы яго да 48.78 драма (каля $10,3).
