01.07.2015 / 14:12

Яшчэ адзін з патэнцыйных кандыдатаў заявіў, што здымаецца з прэзідэнцкай гонкі на карысць Статкевіча 21

Актывіст з Кобрына Алесь Мех вырашыў адмовіцца ад сваіх прэзідэнцкіх амбіцый і падтрымаць ініцыятыву Някляева аб вылучэнні адзіным кандыдатам ад дэмсіл Статкевіча, паведамляе БелаПАН.

Нагадаем, што яшчэ раніцай Алесь Мех у інтэрв'ю «Нашай Ніве» казаў пра ўдзел у выбарчай кампаніі.

«Сваю кампанію мы пачалі нашмат раней і адказалі на ўсе пытанні. Калі народ пытаецца: «А хто іншы акрамя Лукашэнкі?» — «Аляксандр Мех». «Хто ён такі?» — мы далі біяграфію. «Чаго ад яго можна чакаць і што ён прапануе?» — мы адзіныя на сённяшні момант, у каго ёсць прэзідэнцкая праграма. І тут узнікае іншае пытанне: як зрабіць, каб гэтая праграма магла пайсці ў жыццё. Трэба, каб былі сумленныя і справядлівыя выбары. На сённяшні момант адбываюцца фэйкавыя выбары. І ўдзельнічаць у гэтым фэйку не трэба», — сказаў Мех.

«Мы прапануем змену выбарчага заканадаўства і вольную палітычную прастору — найперш выпусціць усіх палітвязняў». Калі гэта не будзе выканана, Мех збіраецца «проста звяртацца да людзей не ўдзельнічаць у гэтых выбарах. А каго загоняць, то ў іх застаецца адно — выкрэсліваць усіх у гэтых спісах. Хто пры гэтай сітуацыі будзе ў выбарчых спісах, з’яўляецца гульцом з адміністрацыі прэзідэнта», — заявіў ён у каментары для «Нашай Нівы».

***

Палата прадстаўнікоў учора прызначыла прэзідэнцкія выбары на 11 кастрычніка.

Пра свае выбарчыя амбіцыі заявілі Таццяна Караткевіч, Сяргей Калякін, Анатоль Лябедзька, Юрый Шульман, Сяргей Гайдукевіч.

Заявілі, што не будуць удзельнічаць у выбарах Алена Анісім і Вольга Карач.

nn.by

0
belariy / Адказаць
01.07.2015 / 14:20
гэта плюс.
0
Игорь / Адказаць
01.07.2015 / 14:29
А Короткевич, у которой уже куча "обожателей" на всех форумах появилось, отказалась поддержать Статкевича :(
0
Аматар портэра / Адказаць
01.07.2015 / 14:34
Якiя выбары?Якiя кандыдаты?Пэуна вы забылi дзе жывеце?
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру