05.07.2015 / 22:27

Прафесар БДУ Кавалёў: Хай кожны беларус задумаецца, што зможа прадаць у Кітаі 18

Дэкан эканамічнага факультэта БДУ Міхаіл Кавалёў расказаў у эфіры БТ пра цяперашнюю эканамічную сітуацыю ў Беларусі і ў свеце.

«Я аптыміст у адносінах да Грэцыі. Бо калі краіна павінна больш за паўтрыльёна даляраў іншым, клапаціцца пра гэтую праблему павінны тыя, каму яна павінна. Таму ў Грэцыі даволі моцная пазіцыя, — падзяліўся меркаваннем ён.

«Але я песіміст у адносінах Еўрасаюза, – прызнаўся Міхаіл Кавалёў. – І справа не толькі ў Грэцыі. Не меншыя даўгі ў Партугаліі, Бельгіі і гэтак далей. Дэфолт Грэцыі можа прывесці да ланцужковай рэакцыі дэфолтаў. Плюс іншыя праблемы… Я ўвогуле вялікі песіміст у адносінах да ўсяго Еўрасаюза».

Аднак праблемы для Беларусі ён у гэтым не бачыць: «Мяркую, у гэтай сітуацыі ён (крызіс — «НН»), хутчэй, будзе закранаць толькі Еўрасаюз і грамадзянаў Еўрасаюза.

Еўра ўжо абваліўся амаль на траціну, працягнуў Кавалёў. «Але ў Беларусі гэта амаль нікога не закранула, бо беларусы традыцыйна захоўваюць ашчаджэнні ці ў нацыянальнай валюце, ці ў далярах», – супакоіў эканаміст.

«Галоўнае, што адбываецца ў сусветнай эканоміцы – уздым Кітая. Ва ўсім свеце папулярная прымаўка: калі ты хочаш выжыць, ты павінен прыдумаць тавар, які прадасі ў Кітаі. Вось хай кожны беларус задумаецца, што ён можа зрабіць, каб прадаць яго ў Кітаі», — параіў дэкан.

«Для Беларусі важнейшы Кітай, зразумела, і Расія. А Еўрасаюз істотны, але заўсёды будзе купляць беларускія нафтапрадукты, нікуды не падзенецца», — падсумаваў Кавалёў.

NN.by

0
--РУХ-- / Адказаць
05.07.2015 / 22:34
Прададзім пана Кавалёва
0
Паўль гаражны асьміног / Адказаць
05.07.2015 / 22:53
Абы што набалбатаў! Які дэкан, такія і будучыя кадры... + Гэта Кітай няхай клапоціцца аб тым каб заходнія кампаніі не зышлі з іх рынка і не ўвялі межы, якія будуць бараніць заходні рынак ад кітайскага шырпатрэпа!
0
Lost in supermarket / Адказаць
05.07.2015 / 23:01
яшчэ адзін кандыдат на Шнобелеўскую прэмію.
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру