Асаму Кітагава, прэзідэнт кампаніі Real-f. Тут і ніжэй фота: Real-f Co
Японская кампанія Real-f прапанавала выраб дакладнай копіі чалавечага твару з сілікону. Пакуль вырабляюцца толькі жорсткія копіі, але вядзецца работа і над эластычнымі маскамі.
Тэхналогія 3DPF (трохвымернае фотафармаванне) дазваляе скапіяваць з фота ці 3D-скану дакладную копію твару, у тым ліку тэкстуру скуры ці малюнак крывяносных сасудаў на вачах.
Выраб копіі твару па «ўражанні» мастака каштуе 3300 даляраў (толькі для Токіа), выраб па масіве фота альбо 3D-скане, здзейсненым супрацоўнікамі кампаніі — 4620 даляраў. Яшчэ 22 даляры будуць каштаваць дзірачкі для ноздраў і зрэнак. У першым выпадку прыйдзецца чакаць каля трох тыдняў, у другім — чатырох, у трэцім — пяці.
Пакуль такія штучныя твары — проста забаўкі. Але кампанія працуе над тым, каб вырабляць маскі з бяспечных матэрыялаў і зрабіць іх прыдатнымі для пастаяннага нашэння, то значыць і для пластычнай хірургіі.
