06.07.2015 / 20:02

Фантан «Купалле» пачысцілі, уключылі і… адзелі ФОТАФАКТ 21

У чэрвені «Наша Ніва» пісала пра знакаміты мінскі фантан «Купалле» са скульптурамі аўтарства Анатоля Анікейчыка ў парку імя Янкі Купалы, які стаяў закінуты.

Фота Ірыны Арахоўскай

Тады кіраўніцтва «Мінскзелянбуда» адказала, што нават не ведала, што фантан не працуе.

Фота Ірыны Арахоўскай

Цяпер фантан выглядае прыгожа, а вада настолькі празрыстая, што можна пабачыць дно.

Дарэчы, сёння мінакі маглі пабачыць дзіўнае відовішча: скульптуры дзяўчат адзелі ў аднолькавыя сукенкі. Як піша Еўрарадыё, гэта было зроблена адмыслова да Купалля, якое адзначаецца ў ноч з 6 на 7 ліпеня.

У парку з гэтай нагоды было запланавана шмат мерапрыемстваў. Кіраўніца прэс-цэнтра Belarus Fashion Week Вольга Бурдзіна патлумачыла, навошта адзелі скульптуры: «Акцыя заключалася ў тым, што мы прадстаўлялі прадпрыемствы «Беллегпрама». Гэта было прысвечана святу Купалля. Цяжка сказаць, каму належала ідэя. На скульптуры не вопратка, а тканіна «Элемы».

Праўда, адзетымі дзяўчаты пабылі нядоўга: кіраўніцтва «Мінскзелянбуда» запатрабавала тканіну зняць.

МН

0
кот / Адказаць
06.07.2015 / 20:08
Ужо і вопратка замінае...
0
ласло / Адказаць
06.07.2015 / 20:10
Апранулі, а не адзелі... Рэд. Апранаюць вопратку, а адзенне адзяваюць. Зазірніце ў слоўнікі.
0
Филифион / Адказаць
06.07.2015 / 20:16
Одеть фонтан давно пора было. Ведь к нему водили и маленьких детей (в т.ч. и мальчиков), и юноши к нему ходили, а в нём голые девушки сидели. В одежде фонтан гораздо лучше смотрится и много нравственнее.
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру