Прэзідэнт Расіі Уладзімір Пуцін паабяцаў прэм'еру Індыі Нарэндру Модзі паспрабаваць свае сілы ў ёзе.
Скрыншот з відэа vesti.ru
«Чым я яшчэ не займаўся, дык гэта ёгай. Але яна не можа не прыцягваць. Я паспрабую, што буду ў стане зрабіць, зыходзячы з узроўню сваёй спартыўнай падрыхтоўкі», — сказаў Пуцін падчас сустрэчы з прэм'ерам Індыі, які прыбыў у Уфу на саміт БРІКС і ШАС.
Па словах Пуціна, у Расіі з вялікай цікавасцю ставяцца да індыйскай культуры.
«Калі глядзіш на сапраўдных ёгаў, здаецца, што дасягнуць такой дасканаласці немагчыма. І менавіта гэта спыняе», — дадаў Пуцін.
21 чэрвеня адзначаўся першы міжнародны Дзень ёгі. Нарэндра Модзі далучыўся да дзесяткаў тысяч тых, хто сабраўся на заняткі ў цэнтры Дэлі, і зрабіў некалькі практыкаванняў. Трэніроўка прэтэндуе на Кнігу рэкордаў Гінэса як самая шматлікая акцыя па ёзе ў свеце.
