Фота: thedrum.com
Ірландская лоўкост-авіякампанія Ryanair, найбуйнейшы лоўкостэр Еўропы, з нагоды 30-годдзя прапанавала цэлы мільён авіяквіткоў па фіксаванай цане ў 19,85 еўра. На акцыю звярнула ўвагу «Радыё Свабода».
Распродаж будзе доўжыцца да 12 ліпеня, прапануюцца рэйсы, запланаваныя на верасень-студзень. Напрамкі — па ўсёй Еўропе.
На жаль, лоўкост-авіякампаніі, што прапануюць авіяквіткі на парадак танней за іншых за кошт мінімальнага сэрвісу, практычна не працуюць у Беларусі. Пра шматлікія прычыны гэтага нядаўна падрабязна распавёў Citydog.
Тым не меней, скарыстацца рэйсамі Ryanair можна ў бліжэйшых суседзяў:
- З Вільні за 20 еўра можна даляцець да Брэмена, Мілана, Брусэля, Осла і Ліверпуля, з Каўнаса — да Осла і Капенгагена.
- З Рыгі — да Кёльна, Брэмена, Дзюсельдорфа, Брусэля, Франкфурта, Лідса і Лондана.
- З Таліна — да Дзюсельдорфа, Брэмена, Осла і Мілана.
- З Варшавы за 20 еўра — Вроцлаў, Гданьск, Брусэль, Стакгольм, Эйндховен, Парыж, Кёльн, Мілан, Ліверпуль, Лондан, Балонья, Брысталь, Осла.
- З Украіны і Расіі Ryanair не лётае.
Акрамя згаданых, Ryanair мае багата іншых рэйсаў па іншых цэнах, часам нават ніжэй за 20 еўра. Рэйсы здзяйсняюцца на Boeing 737—800.
