Большасьць праграм з выяўленай несумяшчальнасьцю з пакетам абнаўленьняў Service Pack 1 для Vista закліканыя абараняць кампутары ад вірусаў, траянаў і розных сайтаў-пастак.
Microsoft была вымушана таксама адклікаць абнаўленьні да Vista, якія трэба было неабходна ўсталяваць да інсталяцыі SP1.
Некаторыя кампутары, на якіх было зроблена папярэдняе абнаўленьне, завісалі.
У шырокі продаж пакет абнаўленьняў паступіць у сакавіку, а для кліентаў - юрыдычных асоб ужо ў лютым.
Абарона і надзейнасьць
Пакеты абнаўленьняў Service Pack лічацца аднымі маштабных для розных апэрацыйных сыстэм, распрацаваных Microsoft.
З дапамогай SP1 сыстэма Vista стане яшчэ больш абароненай і надзейнай, запэўніваюць спэцыялісты кампаніі. Да таго ж у сытсэме дадасца некалькі новых уласьцівасьцяў.
Праграмы ў распаўсюджваным Microsoft сьпісе дадаткаў, несумяшчальных з SP1, дзеляцца на тры катэгорыі.
Адныя будуць проста заблякаваныя пры абнаўленьні, другія больш нельга будзе выкарыстоўваць наагул, трэція – згубяць частку сваіх функцый.
Палова з 12 згаданых праграм блякуе вірусы ці адсочвае сайты, якія наведвае карыстальнік.
Microsoft папярэдзіла, што сьпіс далёка не вычарпальны, таму будзе лепей, калі карыстальнікі самі зьвяжуцца з вытворцамі праграм ў выпадку ўзьнікненьня праблем.
