12.07.2015 / 20:36

У Мінскай вобласці знішчана больш за 6 т канопляў 4

У Любанскім і Пухавіцкім раёнах Мінскай вобласці на гэтым тыдні былі знойдзеныя і знішчаныя два буйных палі дзікарослых канопляў.

Як паведамляе УУС Мінскага аблвыканкама, паблізу вёскі Сосны-2 Любанскага раёна супрацоўнікі крымінальнага вышуку і аддзялення аховы правапарадку і прафілактыкі Любанскага РАУС выявілі поле плошчай 2,5 гектара.

Паблізу пасёлка Праўдзінскі Пухавіцкага раёна участковым інспектарам міліцыі знойдзенае поле плошчай амаль у 1 гектар. На працягу дня дзікарослыя каноплі былі скошаныя і знішчаныя з ужываннем сельскагаспадарчай тэхнікі.

Агульная вага знішчаных нарказмяшчальных раслін склала больш за 6 т.

У цяперашні час на тэрыторыі Мінскай вобласці працягваецца спецыяльная праграма «Мак». З 1 чэрвеня ўжо выяўлена 435 пасеваў раслін з утрыманнем наркотыкаў. Агульная вага знішчанага маку і канопляў склала 12 760 кг. У дачыненні да грамадзян складзена 347 адміністрацыйных пратаколаў за незаконнае вырошчванне нарказмяшчальных раслін.

0
123 / Адказаць
12.07.2015 / 21:29
А што іх зьнішчаць? Яны ж беспантовыя.
0
Лявон / Адказаць
12.07.2015 / 22:42
А можа гэта засланыя зяленыя чалавечкі пасеялі, каб нашкодзіць беларусам? Мяжы зь РАСЕЯЙ няма! Малайцы тут супрацоунікі МУС! Добрую справу зрабілі! Злавіце гэтых зяленых г... і праз газэту"Наша Ніва"пакажыце. Мы-чытачы будзем чакаць выннікау!
0
NavuchencaBK / Адказаць
13.07.2015 / 13:39
Дзікуны... Смачны алей канапляны! Раней, падчас пасту, асноўная ежа была. І цяперака з хлебам таксама ня блага (
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру