14.07.2015 / 18:51

У парку «Вялікі камень» хочуць арганізаваць вытворчасць лекаў на аснове лёну 3

У Кітайска-беларускім індустрыяльным парку «Вялікі камень» плануецца арганізаваць высокатэхналагічную вытворчасць на аснове беларускага лёну. Пра гэта паведаміў сёння журналістам намеснік міністра эканомікі Беларусі Аляксандр Ярашэнка ў час кітайска-беларускага форуму па гандлёва-эканамічным супрацоўніцтве з правінцыяй Цынхай (КНР).

Адно са знакавых пагадненняў, якое было падпісана сёння на форуме, — аб супрацоўніцтве паміж Адміністрацыяй Кітайска-беларускага індустрыяльнага парка «Вялікі камень», ААТ «Цынхайская група Sunglow» і СЗАТ «Кампанія па развіцці індустрыяльнага парка» ў галіне медыцыны, тэкстылю і фотаэлектрычнасці. «Плануецца развіваць вытворчасць, асновай якой будзе беларускі лён. Кітайскі бок гатовы разгледзець магчымасці фінансавання пасеваў, уборкі лёну, каб атрымліваць з гэтай прадукцыі лекавыя прэпараты па кітайскіх тэхналогіях, а таксама экспартаваць гэты прадукт, у тым ліку перапрацаваны ў выглядзе льнянога алею, у КНР», — растлумачыў Аляксандр Ярашэнка.

Намеснік міністра адзначыў, што акцэнт у індустрыяльным парку плануецца зрабіць на стварэнні высокатэхналагічных вытворчасцей інавацыйнай прадукцыі, каб яны далі штуршок развіццю беларускай эканомікі і прасоўванню прадукцыі на еўразійскі, еўрапейскі і іншыя рынкі.

Яшчэ адзін перспектыўны напрамак, які плануецца актыўна развіваць, - гэта лагістыка. «Мы цудоўна разумеем, што прыход кітайскага тавару ў Беларусь і наадварот будзе эканамічна выгадным, калі будзе наладжана менавіта тая лагістыка, якая дасць магчымасць мінімізаваць выдаткі паставак. Таму ў лагістыцы ў тым ліку заключаецца аснова нашага ўзаемавыгаднага супрацоўніцтва», — растлумачыў ён.

0
Пятро Касьнерык / Адказаць
14.07.2015 / 18:56
найлепшы лек гэта льняная вяроўка)))
0
Макс Дизайнер / Адказаць
14.07.2015 / 20:01
А что тут организовывать?Уже давно в обычных магазина продается льняное масло. Полезнее всех бадов, витаминов, оливковых масел и многих профилактических лекарств. Но борщеварки еще 20 лет будут отдавать последние деньги за есовско-американскую пропоганду в аптеках.
0
Хемуль / Адказаць
14.07.2015 / 20:51
Беларусь так же славится своими болотами, в которых проживает множество лягух и жаб, которых в свою очередь можно с успехом экспортировать в поднебесную. Очень технологично и инновационно.
Каб пакінуць каментар, калі ласка, актывуйце JavaScript у наладах свайго браўзеру