14.07.2015 / 19:12

«Бульбашъ» выпусціў вышываны грыль ФОТА 20

«Выкаванка», так і называюць.

Кампанія «Завод Бульбашъ», вядомая ў асноўным праз выраб моцных алкагольных напояў, выпусціла рашотку-грыль з нацыянальным арнаментам. Пра гэта сёння паведаміла БЕЛТА і шэраг іншых СМІ, «Арт-сядзіба» заўважыла прадукт яшчэ ў канцы красавіка.

Паведамляецца, што ідэя «выкаванкі» нарадзілася ў карыстальнікаў сацсетак, за месяц быў створаны пробны прадукт. Назва абіралася на конкурсе.

У якасці арнамента выкарыстаны «васьмірог», што сімвалізуе багацце, дабрабыт і мужчынскі пачатак. Гэты арнамент адбіваецца на мясе падчас гатавання.

На сёння ўручную выраблена толькі некалькі «выкаванак», яны прадаюцца ў фірмовых крамах брэнду і каштуюць каля мільёна рублёў.

Тым часам «Бульбашу» і іншым алкагольным брэндам забаранілі рэкламаваць прадукты, што маюць назву «алкагольнага» тавару альбо таварны знак вырабніка алкаголю, у тым ліку пітную ваду ці святочныя агенцтвы. Такім чынам «выкаванку» не атрымаецца выкарыстоўваць для ўскоснай рэкламы брэнду гарэлкі — яна будзе звычайным сувенірам.

Аляксандр Арсёнаў

0
g / Адказаць
14.07.2015 / 19:22
НН, навошта вы робіце PR i гэтаму «Бульалкашу» і гэтамй «Быкаванцы»? Адчуй смак «сапраўднага беларуса»?
0
туш / Адказаць
14.07.2015 / 19:24
Пакуль БульбашЪ не зменіць назву, нічога ў іх купляць ня буду.
0
Niemen / Адказаць
14.07.2015 / 19:29
Вообще-то само название бульбаш--- ДЕБИЛИЗМ.
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру