14.07.2015 / 19:46

Праграміст стварыў сацсетку для беларускіх герояў 6

Пакуль зарэгістраваліся 32 героі.

Тыповая старонка «Беларускіх герояў»

Больш як год таму 24-гадовы праграміст Алег Хвядзьковіч стварыў сайт «Беларускія героі», распавядае dev.by.

На сайце belarusianheroes.com Адам Міцкевіч «зафрэндзіў» Мележа і Напалеона Орду, а Браніслаў Тарашкевіч — Ластоўскага і Геніюш. Яны рэгулярна публікуюць свае фота, на іх старонках можна пачытаць пра важныя падзеі з іх жыцця.

Праект некамерцыйны. Як распавядае Алег, ён з дзяцінства цікавіўся гісторыяй. Праграміст быў уражаны артыкулам «Камсамольскай праўды» пра рэпрэсіі 30-х гадоў — гісторыяй пра тое, як Цішка Гартны пасля допытаў скончыў жыццё самагубствам, і здымкамі Максіма Гарэцкага да і пасля катаванняў НКВД.

Найперш ён абраў для сайта тэму рэпрэсаваных беларусаў, але пазней дадаў пісьменнікаў, артыстаў, спартоўцаў і навукоўцаў, а таксама аздабленне «пад сацсетку». Сумарна на сёння набралася 32 героі з дэталёвымі старонкамі ў «сацсетцы».

Аўтар «Беларускіх герояў» распавядае пра адсутнасць дапамогі ад музеяў (хаця музею Купалы ён нават дапамог з бяспекай — параіў змяніць лагін і пароль ад сайта з «admin — admin» на нешта больш складанае). Ён быў бы рады дапамозе неабыякавых па начыненні сайта, па даданні на яго гістарычных і актуальных падзей — напрыклад, імпрэзаў, прысвечаных героям.

Чытайце вялікае інтэрв’ю стваральніка «Беларускіх герояў» на dev.by >>>

Аляксандр Арсёнаў

0
Si / Адказаць
14.07.2015 / 20:37
Што за артыкул Камсамолкi такi?
0
Алесь / Адказаць
14.07.2015 / 21:00
Добрая справа, але каб не прывяла яна хлопца ў Навінкі: сёння ты Скарына, а заўта Караткевіч, паслязаўтра - Якуб Колас, а на наступны дзень Цётка. Тут не раздваенне, а такое разгалінаванне асобы можа пачацца, што... Адным словам, хай толькі не бярэ блізка да галавы, не праймаецца моцна ))
0
Баклан Балканскі / Адказаць
14.07.2015 / 22:02
Грамадзянкі, пазбаўце юнака тыксікозных дэвіяцыяў! :)
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру