Пры Цэнтрвыбаркаме на гэты момант акрэдытаваныя чатыры назіральнікі. Гэта вынікае з інфармацыі, размешчанай на сайце ЦВК.
Раней паведамлялася пра акрэдытацыю пры Цэнтрвыбаркаме прадстаўнікоў праваабарончага грамадскага аб'яднання «Беларускі Хельсінкскі камітэт» Дзмітрыя Чарных, Рэспубліканскай партыі працы і справядлівасці Эдуарда Нарышкіна і РГА «Белая Русь» Сяргея Пігарава.
Чацвёртым назіральнікам, паводле інфармацыі ЦВК, акрэдытаваны Аляксандр Еўдакімчык — прадстаўнік Беларускай партыі левых «Справядлівы свет», старшыня якой Сяргей Калякін балатуецца на пасаду прэзідэнта.
Згодна з Выбарчым кодэксам, вылучаць сваіх назіральнікаў для акрэдытацыі пры ЦВК могуць усе афіцыйна зарэгістраваныя ў краіне палітычныя партыі і грамадскія аб'яднанні.
Прэзідэнцкія выбары адбудуцца ў Беларусі 11 кастрычніка.
