Украінская нацыяналістычная арганізацыя «Правы сектар» на з'ездзе ў Кіеве абвясціла аб намеры дамагацца адмены мінскіх пагадненняў і «прызнання вайны вайной», а таксама легалізацыі добраахвотніцкіх узброеных фармаванняў ва Украіне.
Joinfo
Акрамя таго, нацыяналісты на з'ездзе прынялі рашэнне выступіць з патрабаваннем аб правядзенні рэферэндуму аб недаверы парламенту, ураду і прэзідэнту Украіны.
З'езд таксама пастанавіў, што «Правы сектар» не будзе ўдзельнічаць у мясцовых выбарах ва Украіне, прызначаных на восень.
«ПС» заклікаў сваіх прыхільнікаў выйсці вечарам у аўторак на Майдан, дзе яны плануюць правесці народнае веча пад лозунгам «Далоў уладу здраднікаў!»
Да офіса «Правага сектара» ў Кіеве былі сцягнутыя сілы праваахоўнікаў і аўтазакі.
З'езду папярэднічалі скандальныя падзеі ў Мукачаве, дзе пасля перастрэлкі паміж байцамі «Правага сектара» і мясцовай «мафіяй» была распачатая крымінальная справа аб бандытызме.
