24.07.2015 / 16:32

Расія пералічыць Беларусі $760 млн крэдыту ў бліжэйшыя дні 6

Міністэрствы фінансаў Расіі і Беларусі 24 ліпеня ў Маскве падпісалі міжурадавае пагадненне аб выдзяленні Рэспубліцы Беларусь 760 млн даляраў дзяржаўнага крэдыту.

«Пагадненнем прадугледжанае выдзяленне фінансавых рэсурсаў у расійскіх рублях на суму 760 млн даляраў ЗША, тэрмін 10 гадоў, уключаючы 4-гадовы ільготны перыяд. Паступленне сродкаў крэдыту ў рэспубліканскі бюджэт чакаецца ў бліжэйшыя дні», — паведамілі ў прэс-службе беларускага Мінфіна.

Нагадаем, сума гэтага крэдыту даецца ў расійскіх рублях па курсе Цэнтрабанка Расіі на дату падпісання пагаднення для пагашэння і абслугоўвання ў бягучым годзе дзярждоўгу Беларусі перад РФ і Еўразійскім фондам стабілізацыі і развіцця. Улік запазычанасці па крэдыце вядзецца ў далярах ЗША. Беларусь выплачвае крэдыт 13 роўнымі паўгадавымі долямі 15 лютага і 15 жніўня кожнага года, прычым першы плацёж будзе здзейснены 15 лютага 2019 года, апошні — 15 лютага 2025 года.

Беларускі бок выплачвае расійскаму боку за карыстанне крэдытам працэнты па стаўцы LIBOR для шасцімесячных дэпазітаў у далярах ЗША, павялічанай на маржу. Памер маржы фіксуецца ў працоўны дзень, які папярэднічае дню падпісання пагаднення, і вызначаецца як розніца паміж прыбытковасцю расійскіх еўрааблігацый з пагашэннем праз сем гадоў і стаўкай сямігадовага адсоткавага свопу ў доларах.

0
2 / Адказаць
24.07.2015 / 16:57
вот и деньги для пенсий подоспели
0
Мордехай В. / Адказаць
24.07.2015 / 17:12
Во, палучка на 3 месяцы стабільнасці.
0
Всё по плану / Адказаць
24.07.2015 / 17:31
Ровно столько, чтобы хватило до 11 октября, а дальше.........а дальше 2010-2011, только девальвация будет более жёсткой. Как можно разгрузить склады и оживить промышленность ????, только за счёт народца, проведя ЖЁСТКУЮ девальвацию. Обесценив то, что на складах лежит, чтобы сбросить по бросовым ценам виде "ржавого" металлолома и народец должен ОПЛАТИТЬ эту операцию. Всё по плану. И к стеночке можно прижать "косца" (любителя учить косить косой), чтобы всё "ржавое" в РБ и трубы нефтяные, и промышленность РБ, и молочку, и нефтепереработку с калийной добычей отдал в НУЖНЫЕ руки.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру