24.07.2015 / 19:38

На якія сайты пабеглі беларускія жанчыны 12

Лідары па росце колькасці жанчын ва ўзросце 15-74 год

Польскі партал Brief.pl супольна з Gemius падрыхтаваў серыю аналітычных публікацый пра інтэрнэт-рынак суседніх краін. Сярод іншых тэм даследаванне закранула сайты, што набылі за апошні год найбольш папулярнасці ў беларускіх жанчын.

За апошні год роўна ў два разы больш папулярным сярод беларусак стаў сайт Беларусбанка, што аўтары называюць важным сігналам для стартапаў фінансавага сектару. Жанчыны «набеглі» (+58%) і на сайт прыватных абвестак Kufar.by, дзе цяпер складаюць каля 80% наведнікаў.

Акрамя таго, багата жанчын прыйшло на пошукавікі «Яндэкс» і Google, на сайт пошуку працы belmeta, на кінарэсурсы «Кінапошук» і Kinogo, сацсеткі «УКантакце», праявілі цікаўнасць да фінансавага парталу Myfin.by і прагнозу надвор’я на Gismeteo.by.

«З гэтага можна зрабіць выснову, што, як і ў выпадку Украіны, у беларускім інтэрнэце дамінуюць (з пункту гледжання росту папулярнасці) сэрвісы на лакальнай мове і расейскамоўныя», — пішуць аўтары даследавання.

Прычыны росту папулярнасці таго ці іншага сайта не аналізаваліся.

Чытайце таксама: 20 самых «мужчынскіх» сайтаў Беларусі

Аляксандр Арсёнаў

0
Iнгвар / Адказаць
24.07.2015 / 20:06
Ууууууу перабежчыцы.
0
Кеша / Адказаць
24.07.2015 / 20:21
а где порнуха?
0
птушка / Адказаць
24.07.2015 / 21:20
Рэд. Дзякуй, паправілі.
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру