24.07.2015 / 19:55

Рыбныя стравы стануць брэндам Нарачанскага рэгіёна 3

Рыбныя стравы павінны стаць брэндам Нарачанскага рэгіёна. Адпаведнае даручэнне даў старшыня Мінаблвыканкама Сямён Шапіра сёння на выязным пасяджэнні па пытаннях развіцця курортнай зоны Нарачанскага рэгіёна.

Сямён Шапіра звярнуў увагу, што Нарачанскі рэгіён вядомы сваімі воднымі рэсурсамі, і многія турысты едуць на курорт, у тым ліку каб пакаштаваць стравы з рыбы. «У меню ўсіх устаноў у курортнай зоне павінны быць рыбныя стравы», — даручыў ён.

Начальнік упраўлення гандлю і паслуг Мінаблвыканкама Таццяна Шаўцова расказала, што спецыялісты праінспектавалі ўжо мясцовыя магазіны, кафэ і рэстараны, і практычна ва ўсіх з іх быў шырокі асартымент рыбнай прадукцыі. Паводле слоў Таццяны Шаўцовай, у многіх санаторыях цяпер праводзяцца рыбныя дні і дні беларускай кухні. Акрамя таго, дадаткова будуць арганізаваны гандлёвыя пляцоўкі, дзе турысты змогуць купіць жывую рыбу, каб потым прыгатаваць яе самастойна.

У Мядзельскім раёне завяршаецца рэалізацыя Дзяржаўнай праграмы развіцця курортнай зоны Нарачанскага рэгіёна на 2011-2015 гады. Па выніках рэалізацыі дзяржпраграмы на базе курортнай зоны будзе створаны буйны аздараўленчы, культурна-забаўляльны і турыстычны цэнтр.

0
Павал / Адказаць
24.07.2015 / 23:27
Там дауно ужо добрай рыбы няма усю павыбiвалi паглядзiце на азёры яны усе пазарасталi хутка у балоты ператварацца
0
Lost in supermarket / Адказаць
25.07.2015 / 14:32
знаёмы стыль - нейкі какеіст заўсёды лепш за іншых ведае, што, дзе і як трэба зрабіць.
0
Лявон / Адказаць
27.07.2015 / 22:46
Павал... Мне прыемна чытаць каменты вумных! ДЗЯКУЙ!
Каб пакінуць каментар, калі ласка, актывуйце JavaScript у наладах свайго браўзеру