24.07.2015 / 20:44

20-гадовы хлопец падпальваў хаты ў Бешанковіцкім раёне 3

Следчымі Віцебскай вобласці ўзяты пад варту хлопец, які абвінавачваецца ў серыі падпалаў прыватных дамоў.

Як паведаміла афіцыйны прадстаўнік упраўлення Следчага камітэта па Віцебскай вобласці Іна Гарбачова, у пачатку красавіка ад жыхароў вёскі Семянцова Бешанковіцкага раёна ў праваахоўныя органы сталі паступаць паведамленні аб серыі ўзгаранняў дачных дамоў і гаспадарчых пабудоў, якія вяскоўцы не маглі растлумачыць.

Для праверкі довадаў, выкладзеных людзьмі ў сваіх зваротах, следчымі Бешанковіцкага РАСК і супрацоўнікамі Бешанковіцкага РАУС была пачата праверка па ўстанаўленні прычын узгаранняў. Эксперты ўстанавілі, што гэта былі падпалы. Пасля атрымання заключэння пажарна-тэхнічнай экспертызы была распачата справа па ч. 2 арт. 218 КК (наўмыснае знішчэнне маёмасці, учыненае агульнанебяспечным спосабам).

Па падазрэнні ва ўчыненні злачынства быў затрыманы мясцовы жыхар 1994 года нараджэння. 

Ужо на першапачатковым этапе расследавання ўстаноўлена, што падазроны з 7 красавіка па 31 мая, дзейнічаючы ў начны час сутак, падпаліў тры дачныя дамы з гаспадарчымі пабудовамі, што ў вёсцы Семянцова, і адзін жылы прыватны дом. Хлопец пастаянна знаходзіўся побач з палаючымі дамамі, акрамя таго, разам з мясцовымі жыхарамі і ратавальнікамі актыўна дзейнічаў у ліквідацыі ўзгаранняў.

Цяпер 21-гадоваму жыхару Бешанковіцкага раёна прад'яўлена абвінавачанне па ч. 2 арт. 218 КК. Да яго прыменена меры стрымання ў выглядзе зняволення пад варту.

Расследаванне па крымінальнай справе працягваецца, у тым ліку высвятляюцца матывы злачынства. Для гэтага праводзіцца работа з абвінавачваным. Прызначана судова-псіхіятрычныя экспертыза, якая дазволіць зрабіць выснову аб наяўнасці ў яго свядомасці.

0
Доктор / Адказаць
24.07.2015 / 20:58
Скорее всего это пиромания — болезнь, психическое расстройство. Больного непреодолимо влечёт к поджогам, и ему для этого не нужен мотив. Для пиромана важен сам процесс, он получает истинное удовольствие от того, что происходит и совершенно не скрывает своей причастности к этому. По мнению психологов, случаи пиромании крайне редки и часто являются спутниками других серьёзных психических заболеваний — депрессивного психоза и шизофрении. Пациенты, наблюдая за пожаром, проявляют любопытство, испытывают радость, удовлетворение или облегчение. Пожар никогда не осуществляется ими ради материальной выгоды, для сокрытия преступлений, как выражение общественно-политического протеста.
0
Бенедзікт / Адказаць
24.07.2015 / 22:03
Доктор / адказаць 24.07.2015 / 20:58 Скорее всего это пиромания — болезнь, психическое расстройство... ---------------------------------- Вы - піранаманафоб! ) Гэтыя людзі нічым не адрозьніваюцца ад нас. Каму якая справа, чым забаўляецца чалавек? Замах на свабоду забаваў пінаманаў - гэта замах на дэмакратыю, на правы чалавека. Піраманамі нараджаюцца, значыць гэта не хвароба. Піраман-парад павінен прадэманстраваць падтрымку і прапаганду правоў піраманаў!
0
Ветэран / Адказаць
28.07.2015 / 16:09
Зоя касмадземьянская рыянкарнiравала , змянiушы пол
Каб пакінуць каментар, калі ласка, актывуйце JavaScript у наладах свайго браўзеру