25.07.2015 / 11:55

Беларусь выйграла ў гандбол у Расіі і выйшла ў 1/8 фіналу чэмпіянату свету 3

Гандбалісты беларускай маладзёжнай (U-21) атрымалі трэцюю вікторыю на чэмпіянаце свету ў Бразіліі і забяспечылі выхад у плэй-оф.

У матчы 4-га тура папярэдняй групы А падапечныя Алега Шарэйкі разграмілі аднагодкаў з Расіі з лікам 41:28 (18:13).

Самым выніковым у складзе беларускай дружыны стаў Артур Карвацкі, які закінуў 7 мячоў. Па 5 разоў вызначыліся Захар Гусакоў, Глеб Гарбуз і Вадзім Гайдучэнка.

Да гэтага беларусы перайгралі каманды Нідэрландаў (37:25) і Туніса (31:23), саступілі лідару групы А — зборнай Швецыі (23:38). У заключным паядынку першага этапу беларускія гандбалісты 26 ліпеня сустрэнуцца з аўтсайдарам — камандай Парагвая, якая да гэтага прайграла 4 сустрэчы.

Становішча каманд перад заключным турам: Швецыя — 8 ачкоў, Беларусь — 6, Расія — 4, Туніс — 4, Нідэрланды — 2, Парагвай — 0.

Незалежна ад вынікаў матчаў 5-га тура зборная Беларусі забяспечыла сабе другое выніковае месца і ў 1/8 фіналу сустрэнецца з камандай, якая фінішуе трэцяй у групе В. Там згуляна 3 туры і становішча такое: Іспанія — 4 ачкі, Катар — 4, Румынія — 4, Сербія — 3, Партугалія - —3, Ангола — 0.

Па выніках папярэдняга раўнда барацьбу за ўзнагароды сусветнага першынства працягнуць па 4 найлепшыя каманды з кожнай групы. Матчы 1/8 фіналу адбудуцца 28 ліпеня, чвэрцьфіналы — 29 ліпеня, паўфіналы пройдуць 31 ліпеня, медальныя паядынкі за золата і бронзу адбудуцца 1 жніўня.

0
Слава Беларусi!!! / Адказаць
25.07.2015 / 12:42
Разрамiлi свiняшу. Малайцы!!!
0
гаспадар літоўскі / Адказаць
26.07.2015 / 15:49
Як Тузік паперу !!!
0
Майк Вэ / Адказаць
26.07.2015 / 18:26
гаспадар літоўскі, грэлку) . Гэта вецер - паперу)
Каб пакінуць каментар, калі ласка, актывуйце JavaScript у наладах свайго браўзеру