БРСМ заклікае сваіх сяброў фатаграфавацца са «стужкай-вышыванкай»
Пралукашэнкаўская моладзевая арганізацыя БРСМ пачынае папулярызаваць нашэнне стужак з нацыянальным арнаментам.
Ідэолагі заклікаюць рабіць здымкі са «стужка-вышыванкай» і выстаўляць іх у інтэрнэт.
У якасці альтэрнатывы прапануюцца чырвона-зялёныя стужкі.
Ініцыятарам акцыі «#беларускаястужка» была «Арт Сядзiба».
«За ўвесь час мы раздалі каля 10 кіламетраў стужкі. Апроч гэтага, шмат людзей і арганізацыяў самі куплялі стужку ў крамах і распаўсюджвалі яе, таму сапраўдныя маштабы ацаніць цяжка», — каментуе каардынатар «Арт Сядзібы» Мікіта Броўка.
«Мы рады таму, што нашу акцыю падхопліваюць усё больш і больш арганізацыяў. Калі БРСМ падтрымлівае нашу ідэю, то гэтаму можна толькі радавацца. Што наконт агітацыі да ўдзелу ў выбарах – асабіста я супраць таго, каб беларуская стужка асацыявалася з кандыдатамі на пасаду прэзідэнта і выбарамі ў Беларусі ўвогуле», — перакананы Броўка.
-
Магістратура ў Еўропе — выдатны шанец атрымаць еўрапейскую адукацыю і застацца жыць і працаваць у Еўрасаюзе. Што трэба для паступлення
-
Беларусам стала складаней легалізавацца ў Польшчы — там больш не прымаюць выдадзеныя ў БССР дакументы і патрабуюць апастылі
-
Цой прывёў да Багдановіча: японскі адвакат распавёў, як зацікавіўся беларускай культурай і вывучыў мову
Каментары