У Мінску байцы міліцэйскага спецпадраздзялення затрымалі голага 25-гадовага мужчыну. Здарэнне адбылося на вуліцы Кісялёва яшчэ 25 ліпеня.
Як паведамляе прэс-служба мінскай міліцыі, мужчына без адзення прыйшоў на стаянку таксі. Хтосьці выклікаў праваахоўнікаў, і парушальніка грамадскага парадку затрымалі.
Высветлілася, што малады чалавек быў у стане алкагольнага ап'янення і хацеў з дапамогай свайго ўчынку зрабіць уражанне на дзяўчыну, з якой нядаўна бавіў час. У дачыненні да яго быў складзены пратакол па ўзніклым падазрэнні ў здзяйсненні злачынства, прадугледжанага артыкулам 339-м Крымінальнага кодэкса («Хуліганства»).
0
0
0
0
0
0
