30.07.2015 / 15:25

У кітайцаў развілася боязь эскалатараў 3

Не на пустым месцы — загінула жанчына.

Першае здарэнне

Кітайцы сталі асцярожна пераступаць платформы перад эскалатарамі, перадае Buzzfeed. Боязь эскалатараў развілася пасля таго, як 26 ліпеня жанчына загінула, праваліўшыся пад эскалатар праз зламаную платформу.

На поўным відэа з камер назірання бачна, што супрацоўніцы гандлёвага цэнтра ведалі пра зламаную платформу каля эскалатара і самі ледзь у яе не праваліліся. Але эскалатар не спынілі. Платформа правалілася пад жанчынай з дзіцём. Маці паспела ўратаваць дзіцё, але сама ўпала і атрымала смяротныя траўмы.

Супрацоўніцы гандлёвага цэнтра, якія стаялі ў паўметры ад жанчыны, паспелі толькі забраць дзіцё, але не здолелі выцягнуць жанчыну. Паралельны эскалатар працаваў яшчэ тры хвіліны. Цела жанчыны дасталі толькі праз амаль чатыры гадзіны.

За трагедыяй на эскалатары паследавала яшчэ адна: 28 ліпеня у ліфце гатэля правалілася падлога, загінуў мужчына.

Кітайцы ўспрынялі трагедыі ці то з (магчыма, залішняй) пільнасцю, ці то з (магчыма, недарэчным) гумарам. У кітайскай сацсетцы Weibo публікуюцца фота і відэа розных спосабаў пазбегнуць небяспечных месцаў на эскалатарах. Часам гэтыя спосабы небяспечныя самі па сабе, не раім паўтараць гэта.

Аляксандр Арсёнаў

0
Мікола / Адказаць
30.07.2015 / 16:08
пісалі, што эскалатар быў на рамонце, але яна прымусіла супрацоўнікаў уключыць, бо цяжка было падымацца.
0
ЯНКА / Адказаць
31.07.2015 / 00:42
. . ПЯКЕЛЬНЫ АТРАКЦЫЁН . Я раскажу вам невялікую быль пад стаць гэтаму цыклёну, віруючаму людзкімі патокамі на зямлі й у мятрэ. Было гэта даўно, яшчэ да вайны, у Маскве. Падземку тады толькі адчынілі, і шмат людзёў шчамілася ў яе, каб пакатацца на эскалятарах, як на дзівосным атракцыёне. І вось неяк эскалятар ня даў рады вялізнай людзкой масе й спыніўся. Хвіліну стаяў, другую, пяць, дзесяць – тыя, хто кудысьці спазьняўся, і самыя спрытнякі палезьлі на разьдзяляльны парапэт і, трымаючыся за ліхтарні, акуратненька зарухаліся ўніз. Але што паробіш, парапэт ня быў разьлічаны, каб па ім снойдаліся людзі, прагнуўся, тамака-сямака затрашчаў і нарэшце зь людзцамі й дзікім «а-а-а!» паляцеў уніз. І ў гэты момант запрацавалі эскалятарныя шэсьцярні! Пасажыры анямела ехалі на «цуда-лесьвіцы», а з прахону, нібы зь зіяючае дзіры пекла, лілася на іх фантанамі крывя й выляталі раз-пораз то галовы, то рукі, то іншыя фрагмэнты чалавечых целаў… Раз вы чытаеце гэтыя радкі, то, хутчэй, вы ўжо ў цёплым і ўтульным доме. Добрага сну вам, шаноўныя! / 15.03.2013, калі цыклён заганяў безьліч людзёў у менскую падземку... / .
0
Гость / Адказаць
31.07.2015 / 08:20
Ничего удивительного - китайское качество...
Каб пакінуць каментар, калі ласка, актывуйце JavaScript у наладах свайго браўзеру