30.07.2015 / 20:30

Навошта ў Баранавічах па аб'яве шукаюць жывога шчупака? ФОТА 11

У Баранавічах, на аўтобусным прыпынку ў мікрараёне Паўднёвы, 30 ліпеня была заўважаная аб'ява: «Куплю жывога шчупака! Тэрмінова!».

Фота Таццяны Некрашэвіч, intex-press.by

«Камусьці дадому жонцы паказаць!», «Можа, чалавек у свой ставок з прэснай вадой вырашыў зубастую запусціць…», «Мышанку зарыбляць сабраліся, напэўна», — пасля публікацыі фатаграфіі аб'явы такія каментары з'явіліся ў Інтэрнэце, карыстальнікі сеціва сталі прапаноўваць свае версіі.

Карэспандэнт «Intex-press» патэлефанаваў па аб'яве і паспрабаваў высветліць, навошта чалавеку патрэбны жывы шчупак. Трубку здымае жанчына. Яна пацвярджае, што рыба павінна быць жывая і яе памеры павінны ўкладвацца ў 30-50 сантыметраў.

— Менавіта патрэбны жывы шчупак! Жывы і ніякі іншы! Такі, каб увайшоў у слоік!.. — нечакана адказвае жанчына, голас якой гучыць усхвалявана і напружана.

Далей дыялог складваўся наступным чынам:

Карэспандэнт: — Навошта ў слоік?

Спадарыня: — Ён нам патрэбны на лекі, мы з яго будзем рабіць лекі.

Карэспандэнт: — Што за лячэнне?

Жанчына (бянтэжыцца): — Не магу сказаць…

Карэспандэнт: — Гэта вядзьмарства?

Жанчына: — Не, што вы! — секунду маўчыць, нібы хоча сказаць праўду, і зноў працягвае: — Не, не магу сказаць, хачу, але не магу, трэба маўчаць! Можа потым калі скажу. Зараз чалавека выратаваць трэба! Пытанне, можна сказаць, жыцця і смерці!

Карэспандэнт: -Як тэрмінова вам патрэбны жывы шчупак?

Спадарыня: — Як дастанеце, так і ўсё — адразу цягніце!

Цану жанчына не прызначыла: маўляў, «за колькі захочаце, за столькі і куплю», падзякавала і паклала трубку.

Інтэрнэт прапануе некалькі версій лячэння шчупаком. Аказваецца, у народзе раяць лячыць шчупаком жаўтуху і курыную слепату. Асаблівай папулярнасцю карыстаецца шчупак пры лячэнні алкагольнай залежнасці. Для падрыхтоўкі настою патрэбна менавіта жывы шчупак, настоены на гарэлцы. Настой раяць вытрымаць у прахалодным і цёмным месцы 7 сутак. Абяцаецца, што гаючы напой дапаможа пазбавіць чалавека ад п'янства.

Таксама ў народзе ходзіць павер'е, што зубы шчупака носяць пры сабе, каб улетку не пакусалі змеі. Нявесце пад сукенку падвешвалі зубы шчупака — ад псуты.

0
Satan / Адказаць
30.07.2015 / 20:36
Срочно надо заказывать вагон китайской настойки на скорпионе. Стану миллиардером.
0
тэлефон ЦалДирБие? / Адказаць
30.07.2015 / 20:49
Кандыдат у пэзiдэнты з лысай башкой i у вусах, якому падаецца , што недзе ёсць нафта прыщывае святога шчупака выканаць тры пералвыбарчыя пажаданнi
0
Pw / Адказаць
30.07.2015 / 20:54
Это типа лекарство от алкоголизма. "Пьющего человека можно попытаться полечить «рыбной» водкой. А делать ее следует так. Возьмите живую щуку.." И подпись под рецептом: Наталья ЯНКОЙЦ, г. Слуцк Минской обл Так что какаято локальная магия.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру