31.07.2015 / 16:51

Знешні дзярждоўг Беларусі дасягнуў 12,7 млрд долараў ЗША 2

Дзяржаўны доўг Рэспублікі Беларусь на 1 ліпеня 2015 года склаў 249,8 трлн рублёў і павялічыўся ў параўнанні з пачаткам года на 52,4 трлн рублёў, ці 26,5%. 

Як паведамляе Міністэрства фінансаў, знешні дзяржаўны доўг па стане на 1 ліпеня 2015 года склаў 12,7 млрд даляраў ЗША, павялічыўшыся з пачатку года на 101,0 млн даляраў, ці 0,8% (з улікам курсавых розніц). 

У студзені—чэрвені 2015 года прыцягнутыя знешнія дзяржаўныя пазыкі на 679,1 млн даляраў ЗША: 429,7 млн даляраў — урада і банкаў Расійскай Федэрацыі; 228,8 млн даляраў — банкаў КНР; 20,6 млн даляраў ЗША — МБРР. 

Пагашэнне знешняга дзяржаўнага доўгу з пачатку 2015 года склала 547,8 млн даляраў ЗША: 150,0 млн даляраў — урад Расійскай Федэрацыі; 75,9 млн даляраў — МВФ; 176,6 млн даляраў — Еўразійскі фонд стабілізацыі і развіцця; 80,5 млн даляраў — банкі КНР; 7,5 млн даляраў — МБРР; 0,7 млн даляраў — ЗША; 56,6 млн даляраў — банкі Венесуэлы. 

Унутраны дзяржаўны доўг на 1 ліпеня склаў 55,2 трлн рублёў, павялічыўшыся з пачатку 2015 года на 6,8 трлн рублёў, ці 14,1% (з улікам курсавых розніц). 

За студзень—чэрвень 2015 года размешчана ўнутраных валютных дзяржаўных аблігацый для юрыдычных і фізічных асоб на суму, эквівалентную 88,2 млн даляраў ЗША, і 340,5 млрд рублёў. З пачатку 2015 года пагашана валютных і рублёвых дзяржаўных аблігацый для фізічных і юрыдычных асоб (без уліку аперацый па абмене) на 175,0 млн даляраў ЗША і 815,9 млрд рублёў.

Хочаш падзяліцца важнай інфармацыяй ананімна і канфідэнцыйна?

0
БНР / Адказаць
31.07.2015 / 17:46
Эх, эта ÿcë крэдитики лукашэнкаÿckия!
0
Багданкебіч / Адказаць
01.08.2015 / 10:11
Нелегітымная ўлада нясе персанальную адказнасць за ўсе знешнія і нутраныя пазыкі. Крэдыторам варта задумацца пра цмяныя гарантыі вяртання рэсурсаў.
Каб пакінуць каментар, калі ласка, актывуйце JavaScript у наладах свайго браўзеру