31.07.2015 / 21:36

У Гомелі завершанае расследаванне справы маці, якая ўтапіла дваіх дзяцей у ваннай 3

Ва ўпраўленні Следчага камітэта па Гомельскай вобласці завершанае расследаванне крымінальнай справы ў дачыненні да 25-гадовай гамяльчанкі, якая абвінавачваецца ў забойстве сваіх малых дзяцей. 

Як паведамляе УСК па Гомельскай вобласці, падчас папярэдняга расследавання ўстаноўлена, што 7 красавіка вечарам жанчына прымала ванну разам з двухгадовым сынам. Кіруючыся раптоўным намерам пазбавіць малое жыцця, яна пагрузіла дзіця ў ваду ў ванне і ўтрымлівала пад вадой да наступлення яго смерці. Затым прынесла з іншага пакоя ў ванную сваю дачку 2014 года нараджэння і ўтапіла яе. 

Пасля ўчынення гэтых дзеянняў жанчына прыбрала ў кватэры, затым дастала целы дзяцей з вады, перанесла ў іншы пакой, апранула іх і патэлефанавала ў міліцыю. 

Па крымінальнай справе праведзены комплекс следчых дзеянняў, у тым ліку допыты сведак, следчы эксперымент на месцы здарэння з удзелам маці, прызначаны і праведзены шэраг экспертыз. 

Паводле заключэння стацыянарнай комплекснай псіхолага-псіхіятрычнай экспертызы, у абвінавачанай у перыяд часу, які адносіцца да інкрымінаванага ёй дзеяння, дыягнастуецца дыссацыяльнае расстройства асобы. Эксперты ўстанавілі, што у той перыяд часу жанчына не знаходзілася ў стане афекту, магла разумець фактычны характар сваіх дзеянняў і кіраваць імі. 

Следства кваліфікавала дзеянні абвінавачанай на падставе пп. 2, 6, 16 ч. 2 арт. 139 КК (забойства малалетніх, учыненае з асаблівай жорсткасцю).

Хочаш падзяліцца важнай інфармацыяй ананімна і канфідэнцыйна?

0
?! / Адказаць
01.08.2015 / 01:05
А сама ўтапіцца не захацела? значыць павесіць!
0
О-оммммм / Адказаць
02.08.2015 / 03:06
Прыгадаўся фільм "Пасля кахання". У аснову пакладзеныя жудасныя рэальныя факты.
0
Капер / Адказаць
02.08.2015 / 10:38
Перспективная особь мужского пола на проверку оказалась низкораговым. Особь женского пола слишком инстинктивная. В момент окончательного разочарования в особе мужского пола пришло решение избавиться от потенциально неперспективного потомства. Никакого аффекта, исключительно инстинктивное мышление.
Каб пакінуць каментар, калі ласка, актывуйце JavaScript у наладах свайго браўзеру