02.08.2015 / 14:47

Лябедзька: Цікавасці да выбараў у людзей няма 52

Ужо 10 дзён патэнцыйныя кандыдаты на прэзідэнта і члены іхніх камандаў размаўляюць з выбарцамі, стаяць у пікетах, абыходзяць кватэры. 

Прэтэндэнт ад Аб’яднанай грамадзянскай партыі Анатоль Лябедзька пасля сустрэчаў з выбарцамі лічыць, што пра сёлетнюю выбарчую кампанію нельга казаць толькі негатыўна альбо толькі пазітыўна:

«З аднаго боку, я канстатую: улада з выбарчай сістэмай прыйшла ў тупік. Цікавасці да выбарчай кампаніі, нават прэзідэнцкай, няма. У людзей не гараць вочы. Яны хочуць пераменаў, але не глядзяць на выбары як на інструмент пераменаў. Тут не адчуваецца непасрэднай сувязі.

Разам з тым, калі размаўляеш з людзьмі, а для мяне гэта не 10 дзён, а ўжо два месяцы вандровак па рэгіёнах, бачыш, што ёсць высокая цікавасць да нашага паслання «Мільён новых працоўных месцаў». Гэта людзей рэальна хвалюе.

Аднак яны, ставячы подпіс за нашу праграму, за мяне асабіста, адначасова кажуць: мы ня верым, што ў нас нешта зменіцца, у нас альбо ня лічаць галасы, альбо мы ідзём, галасуем-галасуем, а ў выніку атрымліваецца зусім іншае.

Думаю, уладзе трэба задумацца, што рабіць. Бо гэта першая прэзідэнцкая кампанія з такой нізкай цікавасцю. То бок ёсць цікавасць да пераменаў, але няма цікавасці да выбарчай кампаніі».

Аднак людзі чакаюць, кажа патэнцыйны кандыдат на прэзідэнта ад партыі «Справядлівы свет» Сяргей Калякін: «Чакаюць, што з’явіцца нейкі Бэтман, нейкі цудатворца, хто вырашыць усе іх праблемы. Але без іх удзелу. Аднак такога ж не бывае. Гэткі стан людзей вельмі небяспечны для будучыні нашай краіны».

Збор подпісаў за патэнцыйных кандыдатаў на прэзідэнта працягнецца па 21 жніўня ўключна.

0
выснова / Адказаць
02.08.2015 / 15:11
Трэба нешта паралельная ладзіць для тых, хто за перамены, але пагарджае несумленнымі безкантрольнымі чарговымі перавыбарамі.
0
Душы каларадаў - ратуй бульбу / Адказаць
02.08.2015 / 15:23
Лябедзька, пара здымацца. Беларускае грамадства самастойна, без падказак псеўда-апазіцыі, вырашыць што яму цікава і патрэбна. Браты-беларусы, каханыя беларускі, паражэнцы намагаюцца заразіць нас бацылай абыякавасці. Іх час мінуў. Але нашае імкненне да лепшага нязломнае. Аб'яднаймася ў падтрымцы альтэрнатыўных кандыдатаў. Толькі так наш голас пачуюць.
0
алекс / Адказаць
02.08.2015 / 15:24
Сейчас агл нужен оч сильный ход чтобы мобилизовать население на участки. Кредиты от России получил сейчас может что нибудь анти российское сбацать. Так сказать укусить медведя за задницу. Например шугануть пророссийских боевиков днр-лнр или еще каких православных казачков.... Логика подсказывает двухходовочку: 1) т.с. т н. Провокация т.с. т.н.тимперцев 2) жесткая реакция по ее пресечению со стороны агл Итог: все напуганы все идут и голосуют зп мир спокойствие порядок...
Паказаць усе каментары/ 52 /
Каб пакінуць каментар, калі ласка, актывуйце JavaScript у наладах свайго браўзеру