05.08.2015 / 16:27

Тысячы расейцаў падпісалі петыцыю супраць знішчэння прадуктаў 14

Больш за 200 тысяч подпісаў сабрала петыцыя на сайце change.org з патрабаваннем адмяніць прэзідэнцкі ўказ аб знішчэнні санкцыйных прадуктаў, якія ўвозяцца ў Расію.

Замест таго, каб знішчаць прадукты, аўтары петыцыі патрабуюць прыняць закон «аб бязвыплатнай перадачы прадуктаў і тавараў народнага спажывання катэгорыям грамадзян Расіі, якія жывуць у нястачы».

«Навошта нам знішчаць свежыя еўрапейскія прадукты, якімі можна накарміць ветэранаў, пенсіянераў, інвалідаў, шматдзетных, пацярпелых ад прыродных катаклізмаў і іншых, хто мае патрэбу», — гаворыцца ў петыцыі.

Яе аўтары звяртаюць увагу на тое, што пасля падаражання некаторых прадуктаў многія катэгорыі расейцаў вымушаныя абмяжоўваць сябе ў ежы. На думку аўтараў петыцыі, закон дапамог бы такім людзям «кампенсаваць тое, што яны страцілі ў выніку санкцый».

На петыцыю ўжо адрэагавалі ў Крамлі: прэс-сакратар прэзідэнта Дзмітрый Пяскоў нагадаў, што ўказ уступае ў сілу 6 жніўня і з'яўляецца абавязковым для выканання.

«Пакуль трэба зыходзіць з гэтага», — так Пяскоў адказаў на пытанне аб магчымасці перагляду рашэння.

31 ліпеня ўрад Расіі зацвердзіў працэдуру знішчэння незаконна ўвезеных у краіну санкцыйных прадуктаў. Згодна з дакументам, знішчэнне «праводзіцца любым даступным спосабам з выкананнем абавязковых патрабаванняў, прадугледжаных заканадаўствам у галіне аховы навакольнага асяроддзя».

Рашэнне аб канфіскацыі і знішчэнні забароненай да ўвозу прадукцыі будуць прымаць Федэральная мытная служба, Рассельгаснагляд або Расспажыўнагляд. Пазбаўляцца санкцыйных прадуктаў прадпісана ў прысутнасці не менш за двух незацікаўленых асоб. Акрамя таго, дакумент абавязвае запісваць працэдуру на відэа і фота з указаннем даты і часу.

Між тым Кіраўнік Рассельгаснагляду Сяргей Данкверт анансаваў маючы адбыцца ў чацвер пачатак знішчэння партый прадуктаў, увоз якіх забаронены на тэрыторыю Расеі ў сувязі з прадуктовым эмбарга.

«6 жніўня будзе шэраг знішчэнняў. Гэтыя партыі ўжо затрыманыя», — сказаў ён.

Аб'ёмы знішчэння санкцыйных прадуктаў, паводле яго слоў, невялікія. «Я думаю, што зараз будзе знішчана не больш за некалькі сотняў тон», — выказаў меркаванне Данкверт.

0
спірітічэскае віденіе / Адказаць
05.08.2015 / 16:36
Ну, кагда, кагда там начнуцца галодныя бунты? і начнут вешаць наглых алігархаў на Краснай плошчаді, а халуі будут драпаць в Венесуэлу і Зімбабве, а іх будут лавіць і прадаваць в рабства вецеранам Лугандона?
0
niemen / Адказаць
05.08.2015 / 17:15
Если бы простые русские люди знали,что ест их руССкий президент,то подняли бы его на вилы.
0
так мы і паверылі! / Адказаць
05.08.2015 / 17:15
Хітраж-я нашчадкі камунякаў скажуць, што спалілі, каб не плаціць за харч грошы пастаўшчыкам, а самі будуць прадаваць у сваіх крамах. Яны нават у блакадным Ленінграде умудряліся гандляваць.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру