05.08.2015 / 19:05

Беларусь заняла высокую пазіцыю ў сусветным рэйтынгу крэатыўнасці 5

37 — самае высокае месца сярод краін СНД.

Рэйтынг крэатыўнасці. Чым цямней, тым лепей. Белы — няма звестак

Беларусь заняла 37 месца са 139 магчымых ў рэйтынгу Global Creativity Index-2015 (PDF), лідарамі якога сталі Аўстралія, ЗША і Новая Зеландыя. У першай дзясятцы таксама Канада, Данія, Фінляндыя, Швецыя, Ісландыя, Сінгапур і Нідэрланды.

Нашая краіна мае высокія пазіцыі па паказніках «Талент» (восьмыя ў свеце!) і «Тэхналогія», трошкі горшыя па «Талерантнасці».

Аднымі з самых таленавітых нас прызналі праз долю дарослых з вышэйшай адукацыяй і долю працоўнай сілы ў крэатыўным класе, хаця дакладных звестак па другім паказніку ўкладальнікі рэйтынгу не маюць (у нашых суседзяў да крэатыўнага класу прылічваюць 30-40%). Па долі людзей з вышэйшай адукацыяй Беларусь на 5 месцы ў свеце. Па параметры «Талент» лідары — Аўстралія Ісландыя, ЗША і Фінляндыя.

Па тэхналогіях нашыя пазіцыі слабейшыя, але далёка не найгоршыя ў свеце: 41-я ў свеце, 39 месца па інвестыцыях у тэхналогіі (R&D, «даследаванні і распрацоўка») і 25 месца па патэнтах на сотню чалавек. Лідар па тэхналогіях — Паўднёвая Карэя, за ёй Японія, Ізраіль і ЗША.

З талерантнасцю горш: толькі 97-я ў свеце (мы наогул не міралюбівыя, як паказаў іншы рэйтынг), 82-я па адкрытасці да этнічных меншасцяў і 93-я — да сэксуальных. Тут мы вельмі далёка ад лідараў — Канады, Ісландыі, Новай Зеландыі і Аўстраліі. Але Расія яшчэ далей — яна на 123 месцы па талерантнасці (з суседзяў Беларусі ў першай сотні па талерантнасці толькі Латвія з 77 месцам).

Да крэатыўнага беларуса ў касцюме Жалезнага чалавека ставяцца неталерантна — не пускаюць у метро. Кадр з відэа Паліны Дабравольскай

З суседзяў Беларусі найвышэйшую пазіцыю ў агульным рэйтынгу мае Расія — роўна за намі, 38-е месца. Латвія мае 40-е месца, Украіна на 45-м месцы, роўна за ёй Польшча, Літва на 51-м.

Рэйтынг Global Creativity Index штогод укладаецца Марцінскім інстытутам дабрабыту універсітэта Таронта (Канада). У рэйтынгі мінулых гадоў Беларусь не трапляла.

Аляксандр Арсёнаў

0
Вожык / Адказаць
05.08.2015 / 19:29
Не, не трэба пiсаць, а то Давыдзьку зноу штосьцi не спадабаецца))
0
Пятро Касьнерык / Адказаць
05.08.2015 / 19:37
З суседзяў Беларусі найвышэйшую пазіцыю ў агульным рэйтынгу мае Расія — роўна за намі, ===== што гэта...?
0
Шпак / Адказаць
05.08.2015 / 21:31
Это какая-то ошибка, не иначе. Особенно насчет толерантности - где вы видели у белорусов толерантность?
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру