05.08.2015 / 21:35

ІД пагражае Меркель «адпомсціць за Афганістан і Сірыю» 2

Баевікі экстрэмісцкай групоўкі «Ісламская дзяржава» апублікавалі відэа з пагрозамі ў адрас канцлера Германіі Ангелы Меркель.

У пяціхвілінным відэароліку паказаны запіс пакарання двух закладнікаў у сірыйскім горадзе Пальміра, які джыхадзісты захапілі ў траўні гэтага года.

Баевікі на нямецкай мове заклікаюць сваіх «братоў і сясцёр» у Германіі і Аўстрыі далучыцца да «Ісламскай дзяржавы» ў Сірыі або Іраку, альбо ажыццяўляць атакі супраць «няверных» у сябе на радзіме.

Адзін з баевікоў кажа, што ІД адпомсціць Ангеле Меркель за ўдзел Берліна ў кааліцыі супраць ІД і за «кроў мусульман, пралітую ў Афганістане», куды Германія накіроўвала сваіх вайскоўцаў для ўдзелу ў аперацыях у складзе сіл НАТА.

Паводле дадзеных выведкі Германіі, за час канфлікту ў Сірыі да джыхадзістаў далучыліся каля 600 грамадзян Германіі.

0
Няхлюй / Адказаць
05.08.2015 / 23:08
Нямеччына накіроўвала свае сілы ў Афганістан для ўдзелу ў апэрацыях супраць руху Талібан, супраць зараз якога ж ваюе таксама ІД.
0
Кайдан / Адказаць
06.08.2015 / 11:51
Ды балбатня ўсё гэта іслямскага джыхаду звычайная прапагандонская пра "помсту за кроў" і г.д.: - "падпаліць" і дэстабілізаваць Нямеччыну азначае дастабілізаваць Эўропу і пахіснуць існуючы расклад сусьветных палітычных сілаў. Таксама, як "пакараць Мэркель",- тое супольнвя мэта і ІЗІС і Путлера, яна ім як костка ў горле.
Каб пакінуць каментар, калі ласка, актывуйце JavaScript у наладах свайго браўзеру