Якімі будуць новыя цягнікі «Штадлер» для міжрэгіянальных ліній ФОТЫ
Такія электрычкі ўжо вырабляюцца на мінскім заводзе.
Суполка аматараў беларускай чыгункі падзялілася рэндарамі новых цягнікоў Stafler Flirt 3 — сямівагонных электрычак з вагонамі першага і другога класу.
Такія цягнікі пройдуць выпрабаванні ўвесну 2016 года, летам выйдуць на маршруты Мінск-Гомель і Мінск-Брэст (без прыпынкаў).
Цана да Гомеля ў другім класе складзе каля 67 500 рублёў, у першым — 81 200. Да Брэста ў другім класе давязуць за прыблізна 69 500, дакладная цана на першы клас невядомая.
Кожны вагон будзе мець Wi-Fi-антэны, прадугледжаныя зоны для пасажыраў з дзіцячымі вазкамі, роварамі і вялікім багажом. Пад кожным сядзеннем разеткі. У саставе 4 звычайных прыбіральні і адна адмысловая для інвалідаў. Адзін з вагонаў другога класу спалучаны з барам.
Вагоны другога класу вельмі падобныя да пяцівагонных «Штадлераў», што сёння ходзяць па рэгіянальных маршрутах.
Вагоны першага класу маюць мяккія скураныя сядзенні, шафу з вешалкамі, столікі.
***
Завод «Штадлер Мінск» адкрыўся ў Фаніпалі 20 лістапада 2014 года. Каля 30% супрацоўнікаў завода швейцарскай кампаніі — выхадцы з «Белкамунмаша». Вядома, што «Штадлер», акрамя электрычак, вырабляе трамваі «Мяцеліца».
Цяпер чытаюць
У базе сілавікоў «БЕСпарадкі» больш за 100 тысяч чалавек22
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары