07.08.2015 / 17:51

У Гродзенскім заапарку памерла перакормленая наведнікамі зебра 13

Бясконцыя пачастункі прывялі да спынення сэрца.

Бобі і Бэбі. Фота: s13.ru

Ветэрынары Гродзенскага заапарка тры дні біліся за жыццё зебры Бобі, але ўвечары 6 жніўня яго сэрца спынілася, піша TUT.BY. Жывёла памерла ад удушша, выкліканага «чуласцю» наведнікаў, якія ўвесь час падкормлівалі жывёлу.

Для наведнікаў, якія кормяць жывёл, прапануецца нават увесці штрафы. Інфармацыйныя таблічкі не дапамагаюць — людзі кормяць жывёл такой ежай і ў такіх аб’ёмах, што кожны месяц здараецца пара выпадкаў, калі ветэрынарам даводзіцца ратаваць гадаванцаў ад смерці. Атрымліваецца не заўсёды.

Пасля выходных ў зебры надзьмуўся жывот, ад чаго прыціснуліся сэрца і лёгкія. У жываце ад няправільнага харчавання пачалося браджэнне.

Арганізм зебраў нават менш прыстасаваны да абы-якой ежы, чым у коней. Фрукты, хлеб ці цукеркі для іх катэгарычна проціпаказаныя. Звычайна зебраў кормяць сенам, свежаскошанай травой, зерневай сумессю з дадаткам гародніны. Прычым строга глядзяць за збалансаванасцю.

Самец Бобі жыў у вальеры з самкай Бэбі. Апошнія дні яны праводзілі разам. Бэбі, як і Бобі, апошнімі днямі не выводзілі на прагулкі, яна сядзела на дыеце.

Супрацоўнікі заапаркаў прапануюць увесці штрафы за кармленне жывёл, ды кажуць, што гэта трэба рабіць на заканадаўчым узроўні. Яны мараць пра відэаназіранне, каб можна было ў выпадку хваробы жывёлы паказаць твары тых, праз каго жывёла пакутуе.

Аляксандр Арсёнаў

0
а.г. / Адказаць
07.08.2015 / 18:11
У амерыканскіх заапарках карміць жывёл забаронена. І ніякага заканадаўчага ўзроўню не спатрэбілася. Заапарк выпрацоўвае правілы паводзін наведавальнікаў, каб не нанеслі шкоды жывёлам.
0
xxx / Адказаць
07.08.2015 / 18:31
Пасля выходных ў зебры надзьмуўся жывот, ад чаго прыціснуліся сэрца і лёгкія. У жываце ад няправільнага харчавання пачалося браджэнне. --- По телеку показывали, что такое случается и в европейских зоопарках. Но ветеринары делают прокол, выпускают газы, и животное приходит в норму. Белорусские ветеринары за 3 дня до этого похоже не додумались, и дали умереть зебре от удушья вызванного сдавлением диафрагмы. Ужас.
0
Jorg / Адказаць
07.08.2015 / 18:32
Adgaradzice zhyvel na peunuju dystancyju, kab ne davali im ezhu z ruk. Kali i geta nedapamozha, i pacznut kidac, - pavjaliczce dystancyju. Nejkija zakony pryjmac, i kamery stavic, - guczyc, nejak uzho dzika. Belaruskaja represiunaja sistema uzho u mazgu glyboka zasela...
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру