У былога прэзідэнта ЗША Джымі Картэра падчас аперацыі на печані была выяўленая ракавая пухліна. Як кажа сам палітык, аналізы паказалі, што метастазы распаўсюдзіліся і на іншыя органы.
Дактары прызначылі аперацыю ў пачатку жніўня, каб выдаліць у 90-гадовага Картэра частку печані.
Былы прэзідэнт паабяцаў паведаміць падрабязнасці пасля таго, як будзе пастаўлены канкрэтны дыягназ, магчыма, гэта адбудзецца на наступным тыдні. Ён пройдзе курс лячэння ў Атланце.
Прэзідэнт ЗША Барак Абама пажадаў Картэру хутчэйшага выздараўлення. «Джымі, ты з тых, каго называюць нязломным, і разам з усёй Амерыкай мы за цябе перажываем», - сказаў ён.
З 1981 года, калі скончыўся яго прэзідэнцкі тэрмін (1977-1981), дэмакрат Картэр заняўся праваабарончай і дабрачыннай дзейнасцю пад эгідай ўласнай арганізацыі Carter Center, якую ён заснаваў неўзабаве пасля сыходу з Белага дома.
У 2002 годзе ён быў ганараваны Нобелеўскай прэміяй за свае намаганні ў справе пошуку мірных рашэнняў міжнародных канфліктаў, праваабарончую працу, прасоўванне дэмакратычных ініцыятыў і садзейнічанне ва ўкараненні эканамічных і сацыяльных праграм.
У лютым 2015 у інтэрв'ю Бі-бі-сі Картэр распавёў пра сваю працу па барацьбе з дракункулезам (чарвяк-паразіт) у Паўднёвым Судане і Малі, і онхацэркозам (рачная слепата) у Афрыцы і Лацінскай Амерыцы.
Ён сказаў тады, што яму дастаўляе радасць магчымасць падарожнічаць і весці працу па ўсім свеце.
Але ў маі з-за дрэннага самаадчування былы кіраўнік ЗША перапыніў паездку ў Гану, куды ён адправіўся назіраць за выбарамі.
У ліпені была выпушчаная чарговая кніга Картэра «Поўнае жыццё: разважанні ў 90 гадоў» (A Full Life: Reflections at Ninety).
