Паводле інфармацыі Tribuna.com, Павел Булацкі ў бліжэйшы час пакіне пасаду дырэктара спартыўнага канала «Беларусь 5».
Прычыны такога рашэння не называюцца. Новым дырэктарам канала стане Аляксандр Казюкевіч. Апошнім часам ён працаваў у структуры БДТРК, а да гэтага доўгі час з'яўляўся намеснікам дырэктара дырэкцыі спартовых праграм БДТРК.
Чакаецца, што Казюкевіч прыступіць да выканання абавязкаў з 24 жніўня. Прэс-служба кампаніі адмовілася ад любых каментароў на дадзеную тэму.
Нагадаем, «Беларусь 5» быў утвораны ў канцы 2013 года. Павел Булацкі быў яго дырэктарам з першага дня.
0
0
0
0
0
0
