11 жніўня прыкладна ў 16.00 13-гадовы Вадзім Клыч выйшаў на прагулку ў сваім двары каля дома №2 па завулку Солтыса ў Мінску і больш не вярнуўся. Яго сям'я і міліцыя працягваюць вышук, падключыліся валанцёры пошукавага атрада «Анёл».
Адзначаецца, што хлопчык раней з дома не сыходзіў. Вось ужо некалькі дзён родныя ламаюць галаву, куды ён мог знікнуць — ні дома, ні ў сваякоў дзіця не з'яўляўся. Пакуль ніякіх зачэпак няма.
Прыкметы: рост каля 150 см., нармальнага целаскладу; вочы блакітныя, валасы русыя сярэдняй даўжыні.
Асаблівыя прыкметы: на вялікім пальцы правай рукі шнар.
Быў апрануты: цёмна-сінія штаны, цёмна-сіняя майка, байка колеру хакі з капюшонам (расфарбоўкі тыпу камуфляж), красоўкі цёмна-сінія з чырвонай палоскай з выявай лацінскай літары N.
Пры сабе меў скейтборд, заплечнік чорны з шэрымі элементамі (фірмы Polar), сіне-блакітныя джынсавыя шорты ніжэй за калена.
Вы можаце самі дапамагчы ў пошуку чалавека, калі надрукуеце гэтую арыентоўку і размесціце яе ў бліжэйшых грамадскіх месцах. Чым больш людзей ўбачаць гэта аб'яву, тым хутчэй змогуць знайсці чалавека.
Усіх, хто валодае якой-небудзь інфармацыяй аб зніклым або яго месцазнаходжанні, просім паведаміць па тэлефонах: 8 (033) 666-68-56, 8 (033) 666-60-33 (пошукава-выратавальны атрад «Анёл») або па тэлефоне 102 (міліцыя).