14.08.2015 / 18:37

«Антывірус Касперскага» ствараў фальшывыя вірусы 9

Гэта ўжо не працуе, антывірусы сталі разумнейшымі.

Цягам некалькіх год «Антывірус Касперскага» падманваў карыстальнікаў і канкурэнтаў, паказваючы звычайныя файлы як заражаныя вірусам, распавялі Reuters былыя супрацоўнікі «Лабараторыі Касперскага».

Больш за 10 год «Касперскі» пазначаў для канкурэнтаў «здаровыя» файлы як файлы з вірусамі. Канкурэнты пачыналі ўспрымаць такія файлы як вірусы — і выдаляць іх у карыстальнікаў. Некаторыя атакі санкцыянаваў асабіста заснавальнік кампаніі Яўген Касперскі.

Сцвярджаецца, што атака была скіраваная на Microsoft, AVG, Avast і іншых канкурэнтаў «Касперскага». Пік атак прыйшоўся на 2009-2013 гады.

Экс-супрацоўнікі «Касперскага» кажуць, што тыднямі і месяцамі працавалі над тым, каб даследаваць працу канкурэнтаў і знайсці спосаб іх «падставіць». Кампаніі-распрацоўшчыкі антывірусаў дзеляцца адна з адной інфармацыяй пра вірусныя пагрозы, прадстаўляюць такую інфармацыю ў агульную базу.

Менавіта гэтым, як сцвярджаецца, скарысталіся зламыснікі. Напрыклад, файл драйвера з невялікай зменай трапляў у базу вірусаў — канкурэнты маглі ўспрыняць за вірус і звычайны драйвер, выдаліць яго і нашкодзіць працы камп’ютара.

«Лабараторыя Касперскага» абвяргае факт такіх дзеянняў, але адзначае, што сутыкалася з пазначэннем здаровых файлаў як вірусаў. Такія выпадкі пацвердзілі і яе канкурэнты, але не пракаментавалі датычнасць «Касперкага» да атак. Праз мадэрнізацыю антывірусных алгарытмаў такі тып атак ужо неактуальны.

Аляксандр Арсёнаў

0
Лепшы / Адказаць
14.08.2015 / 19:41
Да все прекрасно понимают какими методами ведется бизнес в рашке. Фуфлоантивирус касперского устанавливал всего пару раз на пару недель и сносил это убожество. Грамотно настроенный файрфолл + антишпион (у меня SpyBot) + AdBlock = 97% защита от всякой дряни. А если заражение все таки произошло, то есть точки восстановления (делаю раз в месяц). А вообще, Linux в массы, господа! Заодно компьютерную грамотность повысите.
0
Нявопытная юзерша / Адказаць
14.08.2015 / 19:51
А я думаю, куды падзеўся драйвер майго прынтару... Вось гады!
0
Марэк / Адказаць
14.08.2015 / 20:13
Два года пользуюсь Касперским и пока проблем не было. Касперским пользуются во многих странах мира. Так что если и есть там косяки, то не больше чем у других.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру