16 жніўня надвор'е будзе вызначаць вобласць павышанага атмасфернага ціску. Без ападкаў. Вецер паўночна-заходні: ноччу слабы, днём умераны.
Тэмпература паветра мінімальная ноччу +10.. + 16°C, месцамі 6.. + 9°C, максімальная днём ад + 21°C па поўначы да +29°C па паўднёвым захадзе краіны. Атмасферны ціск будзе слаба расці.
17—18 жніўня краіна будзе знаходзіцца пад уплывам антыцыклону з цэнтрам над Фінляндыяй. Захаваецца ўмерана цёплае надвор'е. Пераважна без ападкаў. Тэмпература паветра 17 жніўня ноччу 7.. +14°C, па паўднёвым захадзе да +17, днём +18.. +25, па паўднёвым захадзе да + 27°C. 18 жніўня ноччу 6.. + 13°C, днём +16.. + 23°C.
У сувязі з сухім надвор'ем на большай частцы тэрыторыі краіны захаваецца высокая пажаранебяспека, месцамі па поўдні, а па Брэсцкай вобласці ў многіх раёнах чакаецца надзвычайная пажарная небяспека. Не забывайце пра асцярожнае абыходжанне з агнём.
