03.03.2008 / 19:53

У Літве пачаўся бестэрміновы страйк настаўнікаў 5

Яны патрабуюць павышэньня на 50% заробкаў. Цяпер настаўнік у Літве зарабляе ў сярэднім 500 даляраў у месяц.

Яны патрабуюць павышэньня на 50% заробкаў і паляпшэньня ўмоваў працы. Урокі не ідуць у 150 школах краіны, пераважна на Жмудзі. У студзені ўлады павялічылі заробкі настаўнікам на 15 %, у верасьні яны абяцаюць чарговыя 20 % дабаўкі. Настаўнікаў такі сцэнар не задавальняе, яны жадаюць аднаразовага павелічэньня заробку.

Цяпер літоўскі вучыцель зарабляе 500 даляраў, але сярэдні заробак па краіне складае 600 даляраў. Улады абяцаюць настаўнікам, што іх заробкі зраўнаюцца зь сярэднімі пад 2011 год. Праз малыя заробкі ўсё больш настаўнікаў зракаецца працы ў школах. На думку прафсаюзу працаўнікоў асьветы, пры захаваньні такой тэндэнцыі за 5 гадоў у школах пачне бракаваць настаўнікаў.

МБ; Паводле Польскага радыё для замежжа

0
Юрась / Адказаць
03.03.2008 / 21:20
Наўрад ці нашае настаўніцтва здольнае самаарганізавацца на такое... Не тая краіна? улада? людзі?
0
Алекс / Адказаць
03.03.2008 / 23:10
2Juras: Усё ня тое!
0
чытач / Адказаць
03.03.2008 / 23:27
Цікава, а колькі зарабляюць нашыя настаўнікі?
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру