19.08.2015 / 15:14

Украіна пабудавала на ўсходзе тры лініі фартыфікацыйных збудаванняў 11

Міністэрства абароны Украіны паведаміла, што на ўсходзе краіны завяршаецца будаўніцтва трох ліній фартыфікацыйных збудаванняў працягласцю 600 км.

У заяве прэс-службы Мінабароны Украіны падкрэсліваецца, што збудаванні гатовыя практычна на 100%.

Першую лінію фартыфікацыйных збудаванняў, як адзначаецца, кантралююць узброеныя сілы краіны, другую і трэцюю — Нацгвардыя.

Паведамляецца, што з 268 фартыфікацыйных збудаванняў 240 будаваліся сіламі аблдзяржадміністрацыі, а 28 — вайскоўцамі. На пабудову гэтых аб'ектаў было патрачана 850 млн грыўняў (38,5 млн даляраў).

У чэрвені ўкраінскія тэлеканалы паказалі сюжэт пра наведванне прэзідэнтам Парашэнкам горада Марыупаля, што на паўднёвым усходзе краіны. У ходзе візіту ён наведваў і фартыфікацыйныя збудаванні: прайшоў па акопах, умацаваных бярвеннем, заходзіў у бліндажы.

На думку прадстаўнікоў мінабароны Украіны, гэтыя будынкі ўжо даказалі сваю эфектыўнасць у баявых умовах.

Хочаш падзяліцца важнай інфармацыяй ананімна і канфідэнцыйна?

0
? / Адказаць
19.08.2015 / 15:46
А яшчэ колькі км трэба пабудаваць?
0
імя / Адказаць
19.08.2015 / 16:08
мяжу трэба пад кантроль браць!! пакуль порах дае каманды нічога не будзе.
0
belariy / Адказаць
19.08.2015 / 16:12
і яшчэ на мяжы з расеяй што-небудзь накшталт кітайскай сьцяны, з кулямётамі і сабакамі, для надзейнасьці.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру