19.08.2015 / 15:20

Амерыканскія навукоўцы заявілі пра выгадаваную копію чалавечага мозгу 6

Навукоўцы з Універсітэта штата Агаё заявілі, што ім удалося вырасціць амаль поўную копію чалавечага мозгу. Паведамленне пра гэта з'явілася на афіцыйным сайце універсітэта.

Ohio State University

Кіраўнік даследавання, прафесар Рэнэ Ананд паведаміў, што вырашчаны яго камандай узор па характарыстыках адпавядае мозгу, што ёсць у пяцітыднёвага эмбрыёна. У ім ёсць 99% генаў, прысутных у рэальным мозгу, і прадстаўленыя ўсе асноўныя аддзелы, аднак адсутнічае сістэма крывяносных сасудаў.

Ананд не даў поўнай справаздачы аб эксперыменце, паведаміўшы, што ён з'явіцца пасля атрымання ім патэнта на тэхналогію. Згодна з яго ацэнкай, гэтая самая дакладная на сённяшні дзень біялагічная мадэль мозгу. Ён адзначыў, што папярэднім даследчыкам удавалася скапіяваць толькі асобныя аспекты мозгу.

На вырошчванне мадэлі пайшло каля 12 тыдняў. Асновай для яе служаць дарослыя клеткі скуры, якія перапраграмуюць у індукаваныя ствалавыя клеткі, здольныя змяніць напрамак сваёй спецыялізацыі і ўтварыць любую тканіну ў арганізме.

Даследчык адзначыў, што ў мадэль не паступаюць сенсарныя стымулы і разумовы працэс у ёй не ідзе, што выключае магчымыя этычныя праблемы.

На думку вучонага, вынаходніцтва спатрэбіцца для вывучэння прычын узнікнення розных захворванняў нервовай сістэмы і праверкі эфектыўнасці лекавых сродкаў. Ананд з'яўляецца сузаснавальнікам стартапа NeurXstem, прысвечанага камерцыялізацыі прыдуманага ім метаду па вытворчасці копій мозгу.

Хочаш падзяліцца важнай інфармацыяй ананімна і канфідэнцыйна?

0
Рэалiст-Цынiк / Адказаць
19.08.2015 / 15:54
...продайте лицензию на Украину...озолотитесь !
0
Max / Адказаць
19.08.2015 / 16:11
як яны могуць ведаць мозг гэта цi не, кали ен не працуе?! У ЗША навука вялiki bизнес, написать можно все, что захочется ради понтов и денег! Трэба вынайсцi нашы мадэлi глазу i .... сэрца! Тогда Победа будет за нами!
0
медексперт / Адказаць
19.08.2015 / 20:41
І, відаць, гэтыя "копіі" пачалі ўжо ўстаўляць. Прыклады: Буш-малодшы, Макейн, Клінтаніха...
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру