24.08.2015 / 15:40

Алянд уручыў амерыканскім вайскоўцам, якія скруцілі тэрарыста, найвышэйшыя ўзнагароды Францыі 2

Фота Stripes.com.

Прэзідэнт Францыі Франсуа Алянд узнагародзіў ордэнам Пачэснага легіёну амерыканцаў і брытанца, якія скруцілі тэрарыста ў цягніку.

На фота злева направа: брытанскі бізнэсовец Крыс Норман, амерыканскі студэнт Энтані Сэдлер, прэзідэнт Францыі, паранены тэрарыстам баец Вайскова-паветраных сіл ЗША Спэнсэр Стоўн і баец Нацгвардыі ЗША Алек Скарлатас.

Адвакат затрыманага тэрарыста заявіў, што ягоны падабаронны проста «збіраўся абрабаваць цягнік», а не меў тэрарыстычных намераў.

«У пацана быў калаш і 8 поўных ражкоў. Калі ідуць рабаваць, 8 ражкоў да калаша з сабой не бяруць», — пракаментаваў Скарлатас.

Стоўн хоць і быў сам паранены, уратаваў жыццё пасажыра, якога тэрарыст парэзаў. Ён прыціснуў пальцамі парэзаную артэрыю і так трымаў да прыезду медыкаў.

Смеласць салдат прадухіліла крывавую разню.

Мараканец з аўтаматам кіраваўся з Бельгіі ў Францыю цягніком Амстэрдам—Парыж.

Ён падрыхтаваўся да атакі. У туалеце ён дастаў і зарадзіў аўтамат АК-47 і выйшаў з ім у вагон. Аднак імгненна зрэагавалі трое пасажыраў-амерыканцаў — двое вайскоўцаў і адзін цывільны.

Яны пачулі гук, як у туалеце зараджаўся аўтамат, і насцярожыліся. І разам наваліліся на араба, перш чым той паспеў адкрыць агонь. У таго, акрамя аўтамата, быў яшчэ і нож, і ён актыўна супраціўляўся. У выніку адзін амерыканец і два пасажыры вагона, адзін з якіх — французскі акцёр, былі параненыя. Паранены і сам тэрарыст. Амерыканец, які вырваў у яго аўтамат, стукнуў прыкладам па галаве, каб нейтралізаваць.

Як аказалася, затрыманы знаходзіўся ў спісе падазраваных французскіх спецслужбаў.

У выніку цягнік быў спынены ў французскім памежным горадзе Арас.

Амерыканец Спэнсэр Стоўн — адзін з трох, якія скруцілі тэрарыста. Спэнсэр быў паранены. Фота са старонкі Стоўна ў Фэйсбуку.

Міністр унутраных спраў Францыі Бэрнар Казнёў выказаў падзяку і захапленне амерыканскімі вайскоўцамі.

Мэр Араса у той жа дзень уручыў героям-амерыканцам (Алек Скарлатас і Энтані Сэдлер) і брытанцу Крысу Норману медалі ад імя горада. Трэці амерыканец знаходзіцца ў шпіталі. Тэрарыст амаль адрэзаў яму вялікі палец адной з рук.

Сяргей Гезгала

Хочаш падзяліцца важнай інфармацыяй ананімна і канфідэнцыйна?

0
Чалавек з Панямоння / Адказаць
24.08.2015 / 15:50
Героям - Слава!!!
0
Географ / Адказаць
24.08.2015 / 16:58
Рэд. Дзякуй, і прабачце.
Каб пакінуць каментар, калі ласка, актывуйце JavaScript у наладах свайго браўзеру