Літоўскі Biplan павіншаваў Украіну з Днём незалежнасці чарговай песняй па-ўкраінску ВІДЭА
Літоўскі гурт Biplan запісаў на ўкраінскай мове свой хіт «O mes prie juros». Па-ўкраінску ён завецца «Ми вічно юні». Песня выкладзена на Youtube сёння, 24 жніўня.
«Сёння для нас цудоўны дзень! — напісана ў фэйсбуку гурту. — А выдатны таму, што нарэшце мы можам ўсёй Украіне прэзентаваць адну з любімых нашых песень, запісаную на ўкраінскай мове — «Мы вечна юныя». Відэакліп на песню зняты на казачнай Куршскай касе. Украінскі тэкст для песні напісала наша добрая сяброўка Мідна. Мэсэдж песні застаўся нязменным — гэта любоў да жыцця і жаданне вечна заставацца маладымі. Радуе яшчэ і тое, што адначасова з гэтым мы можам павіншаваць Украіну з Днём Незалежнасці! Што можа быць важней незалежнасці? Жадаем ніколі больш яе не губляць, шанаваць яе і садзейнічаць ёй. Ад усяго сэрца са святам вас, дарагія нашы ўкраінскія сябры! З Днём Незалежнасці, Украіна!»
Biplan створаны ў 1995 г. (лідар — Макс Мельман). Праславіўся хітамі «Amore» і «Labas rytas». Песня «Amore» запісаная таксама па-ўкраінску і па-беларуску. «Biplan» даў таксама канцэрт на Майдане 12 снежня 2013 г.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары