Малады чалавек, якога больш за два тыдні адшуквалі на Дубровенскім вадасховішчы пад Мінскам, знойдзены. Ён загінуў, паведамляе пошукава-ратавальны атрад «Анёл».
Паводле інфармацыі ПРА, Дзяніс Бажок знік у раёне Дубровенскага вадасховішча ў ноч на 8 жніўня. Тады з'явілася версія, што хлопец мог патануць.
Мяркуючы па сённяшняй інфармацыі ратавальнікаў, так і здарылася. ПРА «Анёл» выказаў словы падзякі ўсім, хто аказваў дапамогу і падтрымліваў на працягу 17 дзён пошукаў. «Дзякуем за супрацоўніцтва: «Авія-100» і пілоту Івану Іванавічу за прадастаўленне верталёта, кіраўніцтву вадасховішча за прадастаўленне катэра, Асводу, дайвінгаваму клуб «Капітан Морган», а таксама пошукавікам ПРА «Анёл» і ўсім, хто штодзённа выбываў на месца пошукаў. Ваша падтрымка была важная для нас усіх», — гаворыцца ў паведамленні.
