На Гродзеншчыне ануляваныя ўсе 11 тысяч «подпісаў» у падтрымку Віктара Цярэшчанкі
У Гародні ўсе 11 509 подпісаў, сабраныя ініцыятыўнай групай Віктара Цярэшчанкі па вылучэнні яго кандыдатам у прэзідэнты, прызнаныя несапраўднымі.
Тэрытарыяльныя выбарчыя камісіі Ленінскага і Кастрычніцкага раёнаў падчас праверкі выявілі, што подпісы сфальсіфікаваныя: у падпісных лістах значацца аўтографы нябожчыкаў і людзей, існаванне якіх не пацвярджаюць супрацоўнікі службы па грамадзянству і міграцыі.
Патэнцыйны кандыдат у прэзідэнты Віктар Цярэшчанка і яго ініцыятыўная група не сабралі у Гародні ніводнага сапраўднага подпіса, — канстатуе незалежны назіральнік ад Беларускага Хельсінскага камітэта Раман Юргель. — Узятыя на праверку подпісы прызнаныя несапраўднымі. Нам, назіральнікам, паказалі адказы абласнога Упраўлення унутраных спраў, у якіх утрымлівалася інфармацыя пра тое, што ў падпісных лістах нумары пашпартоў не супадаюць з прозвішчамі людзей і ўсе подпісы недаставерныя.
Справа аб падробленых подпісах ініцыятыўнай групай Віктара Цярэшчанкі павінна разбірацца на бліжэйшым паседжанні Цэнтральнай выбарчай камісіі.
У Гарадзенскай абласной тэрытарыяльнай выбарчай камісіі паведамілі, што усе неабходныя дакуманты, якія пацвярджаюць факт фальсіфікацыі, будуць высланыя ў Менск.
Не выключана, што справай зацікавяцца супрацоўнікі міліцыі і яна будзе мець крымінальнае адценне.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары