30.08.2015 / 14:49

У Каралеўстве Свазіленд загінулі 65 дзяўчат, якіх везлі на «Танец трыснягу» 9

Паводле СМІ, у выніку аварыі ў Свазілендзе загінулі 65 дзяўчат.

ДТЗ з удзелам двух грузавікоў і легкавога аўтамабіля адбыўся ў Каралеўстве Свазіленд позна ўвечары 28 жніўня. Грузавікі перавозілі дзяўчат, якія павінны былі ўдзельнічаць у нацыянальным фестывалі умхланга, або «Танец трыснягу», які штогод адбываецца ля каралеўскай рэзідэнцыі.

«Танец трыснягу» — масавае свята ў Свазілендзе, кульмінацыяй якога з'яўляецца танец некалькіх тысяч дзяўчат, якія жадаюць стаць жонкай караля.

Кароль Мсваці III, які цяпер ужо мае 13 жонак, аднавіў традыцыю правядзення свята на дзяржаўным узроўні ў 2001 годзе, каб заахвоціць дзяўчат да цноты і для барацьбы з эпідэміяй СНІДу. Акрамя таго, была ўведзеная афіцыйная забарона на сэксуальныя адносіны для дзяўчат, маладзейшых за 21 год. Пасля свята Мсваці арганізуе раздачу ялавічыны ўсім удзельніцам умхлангі.

nn.by

0
wik / Адказаць
30.08.2015 / 14:55
мо вопыт пераняць... @
0
Генэрал Голад / Адказаць
30.08.2015 / 20:36
Цікава, а як бы ў нас называлася такая традыцыя?
0
Лях / Адказаць
30.08.2015 / 20:58
Генэрал Голад , Дажынкi
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру