31.08.2015 / 19:59

Мінскіх графіцістаў выпусцілі пад падпіску аб нявыездзе 27

Яраслаў Ульяненкаў, Вячаслаў Касінераў і Вадзім Жаромскі.

Следчым камітэтам працягваецца расследаванне крымінальнай справы, якую ў СМІ назвалі «справай графіцістаў», паведамляе сайт Следчага камітэта.

Дзве асобы прыцягнутыя ў якасці падазраваных па крымінальнай справе, яшчэ двум прад'яўленыя абвінавачванні ў здзяйсненні злоснага хуліганства.

Падчас папярэдняга расследавання праведзены асноўныя працэсуальныя дзеянні: допыты падазраваных і сведкаў, агляды мясцовасці, пашкоджанай маёмасці, канфіскаваныя дакументы, камп'ютарная тэхніка, мабільныя прылады і іншыя рэчавыя доказы. Прызначаныя неабходныя экспертныя даследаванні.

Абвінавачаныя сваю віну ў інкрымінаваных дзеяннях прызналі цалкам, чыстасардэчна раскаяліся і пакрылі прычыненую шкоду ў поўным аб'ёме.

Тлумачачы следчым матывы сваіх дзеянняў, адзін з падазраваных распавёў, што пашкодзіў білборды з-за крыўды на супрацоўнікаў праваахоўных органаў.

З улікам выканання неадкладных следчых дзеянняў па справе, прызнальных паказанняў абвінавачаных, іх раскаяння і кампенсацыі нанесенай шкоды, а таксама ўлічваючы той факт, што абвінавачаныя не змогуць перашкодзіць далейшаму расследаванні крымінальнай справы, следства палічыла магчымым хадайнічаць перад пракурорам аб змене меры стрымання. Гэтае хадайніцтва задаволена.

Мера стрымання ў дачыненні да абвінавачаных зменена на падпіску аб нявыездзе і належных паводзінах.

***

Нагадаем, што 11 жніўня пяцёра хлопцаў былі жорстка затрыманыя па падазрэнні ва ўдзеле па трох крымінальных справах: нанясенню беларуска-моўных графіці «Беларусь мае быць беларускай» і «Рэвалюцыя свядомасці», а таксама запэцкванню фарбай сацыяльнага білборда з выявамі супрацоўнікаў міліцыі.

Праабаронцы тады выступілі з заявай наконт сітуацыі, запатрабаваўшы неадкладнага вызвалення з-пад варты Вячаслава Касінерава, Максіма Пякарскага і Вадзіма Жаромскага.

0
Мікола / Адказаць
31.08.2015 / 20:10
Гэнна значыцца ў атамана няма залатога запасу зусім....
0
Юрась Беларус / Адказаць
31.08.2015 / 20:11
Я асабіста вітаю вызваленне хлопцаў. Але наперадзе суд. Я лічу іх дзеянні малазначным правапарушэннем, якое павінна разглядацца ў адміністрацыйным працэсе. А дзе крымінальныя справы за перавышэнне службовых паўнамоцтваў у адносінах да працаўнікоў "праваахоўных органаў", якія "мачылі" хлопцаў? Дзе крымінальныя справы і судовыя прысуды ў адносінах да расейскіх фашыстаў, якія ўжо неаднойчы сябе "паказвалі"?
0
Pw / Адказаць
31.08.2015 / 20:12
Ригорич всерьез решил легитимизироваться на этих "выборах". А за ребят я рад.
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру