«Паўналецьце для чалавека — важная мяжа. З гэтага ўзросту грамадзянін дэ-юрэ нясе паўнапраўную адказнасць за свае ўчынкі паводле Крымінальнага кодэксу — і, канечне, можа жаніцца:-)», — адзначаецца на сайце зарэгістраванай у Чэхіі беларускай моладзевай арганізацыі.
У дзень святкаваньня цяперашнія сябры руху і ветэраны- маладафронтаўцы падзеляцца байкамі, легендамі, міфамі з гісторыі МФ. Ад моманту заснавання наймацнейшай маладзёвай плыні ў Беларусі змянілася цэлае пакаленьне моладзі.
Пакажуць найлепшыя відэа і фота, кнігі і хіты Маладога Фронту 1997-2015. А ў якасьці пачастунку — беларускія пірагі, выпечаныя маладафронтаўкамі.
6 верасня 1997 года адбыўся Устаноўчы з'езд Маладога Фронта — а ўжо зусім хутка, 12-га верасьня 2015-га, чакаецца 9-ты Адкрыты з'езд МФ.
Такім чынам, «МФ-вечарына» 6 верасьня, ў нядзелю — Мінск, Чарнышэўскага, 3 а 17.00.
