04.09.2015 / 16:01

Хлопчыкі, што патанулі каля Турцыі, уцякалі з Кабані — курдскага горада, які доўгі час штурмуе Ісламская дзяржава 5

3-гадовага Айлана Курдзі пахавалі на радзіме. Ён аказаўся з сірыйскага горада Кабані. Гэты населены пункт на турэцкай мяжы заселены пераважна курдамі. Цягам года жыхары Кабані абаранялі свой горад ад Ісламскай дзяржавы. Сітуацыя ў Кабані была крытычнай, пакуль ЗША з саюзнікамі не падтрымалі абаронцаў з паветра.

Сям'я Айлана Курдзі спрабавала дабрацца праз Турцыю да невялічкага грэчаскага астраўка Кос, каб папрасіць прытулак у Еўрасаюзе.

Фота Айлана Курдзі ўзрушыла еўрапейскую грамадскую думку.

У Еўропе стварылася цяжкавырашальная сітуацыя. Колькасць уцекачоў з Сірыі і Эрытрэі перавысіла магчымасці цэнтраў па іх размяшчэнні. У той жа час дэпартаваць гэтых людзей назад немагчыма, бо ў Сірыі ідзе вайна, а Эрытрэяй кіруе дыктатарскі рэжым.

Большасць уцекачоў імкнецца трапіць у Нямеччыну. У той жа час Берлін хацеў бы, каб бежанцаў пароўну размяркоўвалі па краінах ЕС, грунтуючыся на прынцыпе салідарнасці.

Сяргей Гезгала

0
Багданкебіч / Адказаць
04.09.2015 / 17:47
У Беларусі таксама дыктатарскі рэжым, але ж мы не бяжым у Нямеччыну, нам хапае Польшчы :)
0
Ales J / Адказаць
04.09.2015 / 18:10
толькі не Польшча! жабрацкія ўмовы. дый калі не рэпатрыяцыя - пішы прапала. праз 10 год віду на жыхарства
0
уцякалі з Кабані / Адказаць
04.09.2015 / 18:23
Тонкий ответ российской пропаганде от вашингтона.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру