Беларускія памежнікі вярнулі ва Украіну 38 кароў, якія заблудзілі.
Як паведамляе Дзяржаўны пагранічны камітэт, 5 верасня за паўтара кіламетра ад беларуска-ўкраінскай мяжы, у Столінскім раёне Брэсцкай вобласці, на напрамку Ніжні Церабяжоў — Гарадзішча пастух мясцовай гаспадаркі паведаміў, што да статка далучыліся невядомыя каровы, усяго 38 галоў. Высветлілася, што жывёлы прыйшлі з украінскай тэрыторыі — іх не ўпільнавалі мясцовыя пастухі.
На наступны дзень, 6 верасня, кароў афіцыйным парадкам вярнулі ва Украіну.
