Фота БелТА.
У планы французскага акцёра Жэрара Дэпард’ё не ўваходзіць атрыманне беларускага грамадзянства, паведамляе «Русская служба новостей» са спасылкай на прадстаўніка акцёра Арно Фрыле.
«У яго расійскае грамадзянства, французскае грамадзянства — і так усё добра. Беларусь — іншая краіна, і тут ён знаходзіцца у сувязі з працай. Тут у нас шмат праектаў, зараз мы здымаем вялікі тэлесерыял, а потым будзем здымаць кіно ў Расіі», — сказаў Фрыле.
Раней Жэрар Дэпард’ё ў інтэрв'ю часопісу Le Figaro TV Magazine прызнаўся, што хоча прадаць ўсю маёмасць у Францыі і ў перспектыве збіраецца пажыць у Беларусі. «Цяпер я жыву ў Італіі. Але ў хуткім часе я буду жыць у Беларусі. Гэта вельмі прыгожая краіна», — сказаў ён.
0
0
0
0
0
0
